ئەمشەو چوارشەممە 3/4/2024، هەڤاڵ سەدیق گەڵۆزی، شارەزای بواری کەشناسی بڵاوی کردەوە: "لە چەند ڕۆژی داهاتوو پێشبینی دەکرێ کاریگەریی بارسته هەوای گەرمی ئەفریقی بەرەو لاوازبوون بچێت بەهۆی هاتنی دوو بارستە هەوا یەکەمیان سارد و شێدارە و دووەمیان گەرم شێدارە، لە ناوچەکانی دەریای سوورەوە شەپۆلێکی بارانبارینی بەهێز سەرتاسەری ناوچە جیاوازەکانی هەرێمی کوردستان دەگرێتەوه."
ئاماژەشی بەوە داوە: "چەقی شەپۆلەکە دووشەممە لەسەر سێشەممه دەبێت لە ڕۆژانی 8، 9 و 10ی مانگ، ئەگەری چالاکبوونی هەورەبرووسکەی زۆر بەهێز و تەرزە هەیە لە زۆربەی ناوچەکانی و هەولێر، دهۆک، سوڕان، ڕاپەڕین، زاخۆ، هەڵەبجە، گەرمیان، کۆیە و دەوروبەری، دەشتی قەراج و کەندێناوە، مەخموور، گوێڕ، شەمامک، خەبات سەرگەڕان، کەرکووک، موسڵ و دەورووبەری."
ئەو شارەزایەی بواری کەشناسی راشی گەیاندووە: "هۆشداری دەدەینە لایەنی پەیوەندیدار لە بەشێکی زۆری ناوچەکان لە ڕۆژانی دووشەممە، سێشەممە و چوارشەممە کە دەکاتە یەکەم ڕۆژی جەژن ئەگەری لێزمەباران بە هەورەبرووسکە و تەرزەوە هەیە و هەروەها مەترسی دروستبوونی لافاویش لە شوێنە نزمەکان دەکرێت."
وەڵام بدەوه