حكوومەتی هەرێمی كوردستان لەبارەی پرۆسەی هەژماری من روونكردنەوە دەدات و رای دەگەیەنێت، تۆ وەك بەشداری پڕۆژەی "هەژماری من"، بە هیچ جۆرێك كەمكردنەوە لە مووچەكەت ناكرێت.
ئەمڕۆ شەممە 30ـی ئادار، حكوومەتی هەرێمی كوردستان بڵاوی كردووەتەوە، ئایا حكوومەت دەتوانێت پارەی باج و ئاو و كارەبا لە هەژمارەكەت ڕاكێشێت؟ بێگومان نەخێر.
باس لەوەش كراوە، هیچ جۆرە كەمكردنەوەیەك لە مووچەكەتدا ئەنجام نادرێت بەبێ رەزامەندیی خۆت.
روون كراوەتەوە، بەپێی یاساكان هیچ لایەنێكی گشتی و تایبەت، دەسەڵاتی دەستبردنی بۆ هەژمارەكەت نییە.
پرۆسەی هەژماری من یەكێكە لە هەنگاوە گرنگەكانی حكوومەتی هەرێمی كوردستان كە رێیەكە بۆ بە ئەلیكترۆنیكردنی مووچە، ئێستە زیاتر لە 250 هەزار كارت بۆ مووچەخۆران دروست كراوە، پێشبینی دەكرێت تا كۆتایی ئەمساڵ بگاتە یەك ملیۆن هەژمار.
وەڵام بدەوه