ئاگادارییەک لەبارەی دابەشکردنی مووچەوە

بەڕێوەبەرایەتی پەروەردەی ناوەندی هەولێر لە ئاگادارییەكدا سەرجەم قوتابخانەكانی سنووری بەڕێوەبەرایەتییەكەی ئاگەدار دەكاتەوە سبەی سەعات 12ی نیوەڕۆ تا 4 عەسر سەردانی بەشی ژمێریاری بكەن بە مەبەستی وەرگرتنی لیست و چەكی مووچەی مانگی شوبات. 

ئەمڕۆ 29ی ئاداری 2024، لە ئاگادارییەكی بەڕێوەبەرایەتی پەروەردەی ناوەندی هەولێر هاتووە، بەڕێوەبەری سەرجەم قوتابخانەکانی سنووری بەڕێوەبەرایەتی پەروەردەی ناوەندی ھەولێر ئاگادار دەکەینەوە کەوا بەیانی شەممە 30ی ئاداری 2024،  لە سەعات 12ی نیوەڕۆ  تا  4ی عەسر سەردانی دیوانی پەروەردە ⁄ بەشی ژمێریاری بکەن بەمەبەستی وەرگرتنی لیست و چەکی مووچەی مانگی 2ی ساڵی 2024.

بەپێی خشتەی راگەیەنراوی وەزارەتی دارایی و حكوومەتی هەرێمی كوردستان، رۆژی یەکشەممە 31ی ئاداری 2024، مووچەی وزارەتی پەروەردە دابەش دەکرێت.