ئەمڕۆ دووشەم 25ی ئاداری 2024، بەڕێوەبەرایەتی كەشناسیی دهۆك بڵاوی كردەوە، سبەی ئاسمان نیمچەهەور و هەندێك كاتیش هەوری تەواو دەبێت و بارانبارین لە سنووری دهۆك و زاخۆش دەست پێ دەكات.
لە راگەیەنراوەكەی كەشناسیی دهۆك هاتووە، رێژەی باران مامناوەند دەبێت و هاوكات ئاماژەی داوە كە پلەكانی گەرماش بەشێوەیەكی بەرچاو دادەبەزن.
ئەوەیش هاتووە، لە ناوچە سنوورییەكانی دهۆكیش ئەگەرێك بۆ بەفر هەیە و لە رۆژی چوارشەمەیش شەپۆلەكە كۆتایی دێت.
لای خۆشیەوە پێشتر كەشناسیی هەرێم ئاماژەی دابوو، كە سبەی باران سەرەتا لە ناوچەكانی دهۆك و زاخۆ دەست پێ دەكەن و دواتریش زۆربەی ناوچەكانی پارێزگاكانی هەولێر و سلێمانی دەگرێتەوە.
وەڵام بدەوه