بەشى پێشبینیى بەڕێوەبەرایەتیى گشتیى کەشناسی و بوومەلەرزەزانى، رایگهیاند: پێشبینیى بارانبارین بە گوێرەى دوایین گۆڕانکارییەکان لەسەر ناوچەکەمان، ئەمڕۆ شەپۆڵى بارانبارین بەردەوام دەبێت و بڕى بارانى پێشبینیکراو بەم شێوەیە دەبێت :
سنوورى پارێزگاى هەولێر ماوەى دابارین لە نیوەڕۆ و دوانیوەڕۆ بارانبارینى بە لێزمەو هەورەبرووسكه دەبێت، بڕى بارانى پێشبینیکراو لە سەنتەرى هەولێر (35-45) ملم هەندێ ناوچە شاخاوییەکان بۆ سەرووى 50 ملم. سنوورى ئیدارەى سەربەخۆى سۆران، بڕى باران بارینى پێشبینیکراو لە سەرووى 60 ملم دەبێت .
سنوورى پارێزگاى دهۆک و ئیدارەى سەربەخۆى زاخۆ، زۆرترین بارانى پێشبینیکراوى دەبێت لە ماوەى کاریگەریى ئەم شەپۆلە، لە هەندێ ناوچە بۆ سەرووى 80 ملم زیاتر دەبێت.
سنوورى پارێزگاى سلێمانى و ئیدارەى ڕاپەڕین و ئیدارەى گەرمیان لە دوانیوەڕۆ باران بارینى زیاتر دەبێت لە سەنتەرى پارێزگاى سلێمانى لە نێوان (40-65) ملم، ناوچە شاخاوییەکان بۆ سەرووى 60 ملم، ئیدارەى سەربەخۆى گەرمیان بڕى بارانى لە نێوان (30-40) ملم دەبێت، ئیدارەى ڕاپەڕین بڕى بارانى پێشبینیکراوى لە نێوان (60-75) ملم دەبێت.
وەڵام بدەوه