فەرمانگەی میدیا و زانیاریی حکوومەتی هەرێمی کوردستان لەبارەی کەشوهەوای سبەی سێشەممە هۆشداریی بە هاووڵاتییان دەدات.
ئەمشەو دووشەممە 18/3/2024، فەرمانگەی میدیا و زانیاری بڵاوی کردەوە: "بە هۆی بارانی زۆر و ئەگەری ڕوودانی لافاو لە درەنگانی ئەمشەو و ڕۆژی سێشەممە، 19ی ئاداری 2024، بارودۆخی كەشوهەوای هەرێمی كوردستان سەخت دەبێت."
ئاماژە بەوەش دراوە: "بەپێی زانیارییەكانی ژووری ئۆپەراسیۆن بۆ بەڕێوەبردنی قەیران و كارەسات و بەڕێوەبەرایەتیی گشتیی كەشناسی و بوومەلەرزەزانیی هەرێم، شەپۆلێكی بارانبارین و هەورەتریشقەی بەهێز لە درەنگانی ئەمشەو دووشەممە و سبەی سێشەممە، لە تەواوی كوردستان ڕوودەدات، زۆرترین بڕی بارانبارینیش لە ئیدارەی سەربەخۆی ڕاپەڕین دەبێت، بەوەش ئەگەری هەستانی لافاو هەیە."
وەڵام بدەوه