شارەزایەك لە بواری كەشناسی رای دەگەیەنێت، هەرێمی كوردستان دەچێتە ژێر كاریگەریی دوو نزمە پاڵەپەستۆی زۆر چڕ كە ڕوو لە ناوچەكان دەكەن، لە 19ـی ئادار لە هەندێك ناوچە بارانی بەخوڕ و لە هەندێك ناوچەی تر باران و هەورەبروسكە تەزرە و باران دەبارێت، ئاستی ئاو زۆر بەرز دەبێتەوە و لافاو لە چەم و ڕووبارەكان دروست دەبێت و حاڵەتی نامۆ دروست دەبێت.
ئەمڕۆ شەمە، سالار حاجی عەلی شارەزای بواری كەشناسی، راگەیاند، هەرێمی كوردستان دەچێتە ژێر كاریگەریی دوو نزمە پاڵەپەستۆی زۆر چڕ كە ڕوو لە ناوچەكان دەكات، كە نزمە پاڵەپەستۆی دەریای سپی ناوەڕاست و نزمە پاڵەپەستۆی دەریای سوور، دواتر هەردوو شەپۆل بەئاراستەی لووتكەی سێ گۆشە یەك دەگرن، ئاستی بارانبارین زۆرتر دەبێت .
زیاتر گوتی لە 17ـی ئادار، سەرەتای شەپۆلەكە دەست پێ دەكات و بەلاوازی دێتە ناوچە سنوورییەكان، دواتر شەپۆلەكە چالاك دەبێت و بۆ شەو، باڵ دەكێشێت بۆ ناو شارەكان.
روونی كردەوە كە لەگەڵ هاتنی شەپۆلەكە، سەرەتا بە هەوری بەرز و دواتر دەگۆڕێت بۆ نیوەهەور و هەوری پڕ و نمەباران، دواتر بۆ ڕۆژانی 18 و 19 و 20، بەگشتی بارانبارین زۆر چالاك دەبێت، بەڵام لە ڕۆژی 19ی مانگ دەچێتە ناوەڕاستی چەقی دوو نزمە پاڵەپەستۆكە، ڕێژەی بارین زۆرتر دەبێت و هەورەبروسكە و خێرایی با و باران و تەزرە دەبارێت .
ئاشكرای كرد، لە ناوچە جیاجیاكاندا بە بڕی جیاواز باران دەبارێت و ناوچە بۆ ناوچەیەكی تر دەگۆڕێت، لە هەندێك ناوچە بارانی بەخوڕ و لە هەندێك ناوچەی تر باران و هەورەبروسكە تەزرە و باران دەبارێت، ئاستی ئاو زۆر بەرز دەبێتەوە، لافاو لە چەم و ڕووبارەكان دروست دەبێت و حاڵەتی نامۆ دروست دەبێت.
"لە هەر پێنج شارەكەی هەرێمی كوردستان هەورەبروسكە و بارانی بەخوڕ و تەزرە، لەگەڵ زیادكردنی ملیمەكانی باران، ئاستی ئاو بەرز دەبێتەوە و لافاو لە سەرجەم ناوچەكان دروست دەبێت، ئاستەنگی ڕێگەوبان دروست دەبێت، لە ناوچەكانی گەرمیانیش بارانی بەخوڕ و تەزرە دەبارێت.
ئەم شارەزایە باسی ئەوەشی كرد، كاریگەریی شەپۆلەكە تا 20ی ئادار، ئەگەر هەیە بچێتە 21ی مانگ و بۆ ڕۆژانی دوایی بەهۆی مانەوەی شێیەكی زۆر، هەوری ناوخۆی دروست دەبێت و باران لە ناوچە جیاجیاكان بەردەوامیی دەبێت.
بە گوتەی سالا، ڕێژەی بارین لەم شەپۆلەدا لە سەرووی 50 بۆ نزیكەی 150 ملیم دەبێت، لە هەندێك ناوچەی تر دەچێتە 200 ملیم بەهۆی حاڵەتی نامۆ
وەڵام بدەوه