ئەمڕۆ هەینی کونسوڵخانەی گشتیی ئەمەریکا پێشوازیی لە بڕیاری وەزارەتی ڕۆشنبیری و لاوانی حکوومەتی ھەرێمی کوردستان كرد بۆ ھەڵوەشاندنەوەی ڕێنمایی ڕێکخستنی کاری میدیایی ژمارە ١ی ساڵی ٢٠٢٣ کە لە مانگی ئایاری ساڵی ٢٠٢٣ دەرچوێندرابوو.
کونسوڵخانەی گشتیی ئەمەریکا ئاماژەی بەوە داوە كە پێیان وابوو ڕێنماییەكە دەبووە مایەی ھێنانە کایەی مەرجی نوێی ڕێوشوێنی ئەمنی بۆ ڕۆژنامەنووسانی ئۆنلاین کە دەبووە ھۆی بەرتەسککردنەوەی ئازادی ڕاگەیاندن، بەڵام ئەم بڕیارەی ھەڵوەشاندنەوەی ڕێنماییەکە دەرخەری بەدەمەوەھاتنی حکوومەتی ھەرێمە بۆ ئەو نیگەرانییانەی لەلایەن کۆمەڵگای نێودەوڵەتی و ھەوڵە ناوخۆییەکانەوە بەرز کرانەوە بە مەبەستی باشکردنی دۆخی ئازادی ڕاگەیاندن.
لە كۆتایی بەیاننامەكەی کونسوڵخانەی گشتیی ئەمەریکادا هاتووە كە پابەندن بەکارکردن لەگەڵ ھاوبەشە خۆجێیی و نێودەوڵەتییەکانیان بۆ بەردەوامیدان بە باشکردن و بڕەودان بە ئازادی ڕاگەیاندن و میدیای بەرپرسیار.
وەڵام بدەوه