شارەزایەکی بواری کەشناسی ئاشکرای کرد کە شەپۆلێکی زۆر بەهێزی بارانبارینی بەخوڕ و هەورە بروسکەی توند و تەرزە هەرێمی کوردستان دەگرێتەوە و لە ناوچە شاخاوییەکانیش بەفر دەبارێت.
ئەمشەو چوارشەممە 7/2/2024، هەڤاڵ سەدیق گەڵۆزی، شارەزای بواری کەشناسی بڵاوی کردەوە: "بەگوێرەی نوێترین ئاپدێتی سەنتەری کەشناسی ئەورووپی ECMWF و سەنتەری کەشناسی ئەمریکی GFS پپێشبینی دەکرێت لە کۆتایی هەفتەی داهاتوو بە دیاریکراوی لە رۆژی سێشەممە لەسەر چوارشەممە 14/2/2024، لە ئەنجامی یەکگرتن و بەیەکگەیشتنی دوو نزمە پەستان کە یەکەمیان سەرچاوەکەی ناوچەکانی دەریای سپی ناوەڕاسته، دووەمیان لە ئەنجامی هاتنی شێ (مەداری) کە سەرچاوەکەی دەریای سوور و دەریای عەرەبە شەپۆلێکی زۆر بەهێزی بارانبارینی بەخوڕ و هەوره بروسکە و تەرزە سەرتاسەری ناوچە جیاوازەکانی هەرێمی کوردستان و ناوچەکانی باشوورو ناوەڕاست و ڕۆژئاوای عێراق دەگرێتەوە و بۆ ماوەی چەند ڕۆژێک بەردەوام دەبێت."
ئاماژەشی بەوە داوە: "ئاماژەکانی کەشوهەوا ئەوە نیشان دەدات کە ئەگەر شەپۆلەکە گۆڕانکاریی بەسەردا نەیەت و بەم شێوەیە بە بەهێزی بمێنێتەوە، لە زۆرێک لە ناوچەکانی هەرێمی کوردستان بەهۆی زۆر بارانبارینی بەخوڕ مەترسی دروستبوونی لافاو لە شوێنە نزمەکان چەم و دۆڵەکان هەیە."
ئەوەشی خستووەتە روو: "جیاوازی ئەم شەپۆلی بارانبارینە لەگەڵ شەپۆلەکانی ڕابردوو ئەوەیە ڕێژەی بارانبارین زیاتر دەبێت و بەفری کەمتر لەگەڵدایە، ل ەناوچه شاخاوییە سنوورییەکانیش بەفر دەبارێت.
وەڵام بدەوه