شارەوانیی هەولێر سیستمی 24 کاژێری بۆ کۆکردنەوەی زبڵ رادەگەیێنێت

سیامەند کەریم، گوتەبێژی شارەوانیی هەولێر بە تۆڕی میدیایی رووداوی راگەیاند، سەرۆکایەتیی شارەوانیی هەولێر، سیستمێکی 24 کاژێری بۆ کۆکردنەوەی زبڵ و خاشاک رادەگەیێنێت، لە سنووری هەر شارەوانییەک دوو ئۆتۆمبێل بەردەوام لە کاردا دەبن.
 
لە سنووری شارەوانیی هەولێر شەش شارەوانیی هەن، واتە جگە لە دەوامی فەرمی، رۆژانە 12 ئۆتۆمبێل 24 کاژێر بە شەقام و گەڕەکەکاندا دەگەڕێن بۆ کۆکردنەوەی خاشاک و زبڵ، بەتایبەت ئەو زبڵەی کە لە ئاهەنگەکان، پرسە و بۆنەکانی دیکە کەڵەکە دەبێت.
 
شارەوانیی هەولێر داوا لەو هاونیشتمانییانەش دەکات، کە بۆنەیان هەیە و زبڵیان کەڵەکە بووە، پەیوەندی بە ژمارەی شارەوانیی خۆیانەوە بکەن بۆ ئەوەی زبڵەکەیان فڕێبدرێت.
 
ناوی شارەوانییەکان و ژمارەی تەلەفۆن:
 
سنووری شارەوانیی یەک: ( 07504545878 - 07511624550) 
سنووری شارەوانیی دوو: (07514491482 - 07511624550) 
سنووری شارەوانیی سێ: (07514487060 - 07511624550)
سنووری شارەوانیی چوار: (07504523979 - 07511624550) 
سنووری شارەوانیی پێنج: (07507332575 - 07511624550) 
سنووری شارەوانیی شەش: (07504510710- 07511624550)