وەزیری خوێندنی باڵا و توێژینەوەی زانستی حكوومەتی هەرێمی كوردستان رای دەگەیەنێت، گفتوگۆكانی شاندی هەرێم لە بەغدا سەرەتاین و هێشتا فلتەری ئەنجوومەنی وەزیران و پەرلەمانی عێراق ماوە، بەڵام ئەنجامەكان ئەرێنین.
ئەمڕۆ پێنجشەم 11ـی كانوونی دووەم، ئارام محەمەد وەزیری خوێندنی باڵا و توێژینەوەی زانستی حكوومەتی هەرێمی كوردستان، لە كۆنگرەیەكی رۆژنامەنووسیدا رای گەیاند، گفتوگۆكانی شاندی هەرێم و بەغدا سەرەتاییە، بەڵام ئەنجامی ئەرێنی بوون و لێكتێگەیشتنی باش هەیە لە هەردوولا.
زیاتر گوتی، ئێمە بە یەكڕیزیی نیشتمانی دەتوانین مافەكانی هاووڵاتییانی خۆمان بەدەست بهێنین.
روونی كردەوە، گفتوگۆكانی شاندی هەرێم لە بەغدا سەرەتایین و هێشتا فلتەری ئەنجوومەنی وەزیران و پەرلەمانی عێراق ماوە بۆ ئەوەی جێبەجێ بكرێن.
بەشێكی قسەكانی ئەو وەزیرە لەبارەی دامەزراندن بوو و رای گەیاند، هەموو ئامادەكارییەكیان بۆ دامەزراندنی سێ یەكەمەكانی زانكۆ كردووە، لیستی ناوەكانیان ئامادەیە و ئەو رێكارانەی ماون بەندە بە رێككەوتنی نێوان هەرێم و بەغدا و جێكردنەوەی دامەزراندنی ئەو دەرچووانە لە یاسای بودجەدا.
وەڵام بدەوه