بەڕێوەبەرایەتیی پەروەردەی رانیە لە ئاگادارییەکدا سەرجەم ناوەندەکانی خوێندن لە سنووری بەڕێوەبەرایەتییەکە ئاگادار دەکاتەوە کە سبەی دەرگای قوتابخانەکان بەڕووی قوتابیان و مامۆستایاندا بکرێتەوە.
ئەمشەو دووشەممە 8/1/2024، بەڕێوەبەرایەتیی پەروەردەی رانیە بڵاوی کردەوە: "ئاگاداری بۆسەرجەم ناوەندەکانی خوێندن لە سنووری بەڕێوەبەرایەتیی پەروەردەی رانیە دەکەینەوە، نووسراوی ئاساییکردنەوەی دەوام و ەکە دەستپێکردنەوەی دەوام و کەمکردنەوەی پڕۆگرامەکان نێردراوە بۆسەرجەم ناوەندەکانی خوێندن و بڕیارە سبەی سێشەممە 9/1/2024، دەرگای قوتابخانەکان بەڕووی قوتابیان و خوێندکاران و مامۆستایاندا بکرێتەوە.
هەروەها ئاماژە بەوەش دراوە کە بۆ ئەو مەبەستە پەروەردەی رانیە ئاگادری سەرجەم بەڕێوەبەرەکان دەکاتەوە کە ڕێکاری یاسایی و کارگێڕی دەگیرێتەبەر لەسەر ڕۆشنایی ئەم خاڵانەی خوارەوە:
یەکەم: پێویستە سەرجەم ناوەندەکانی خوێندن لەپەیجی فەرمی قوتابخانەکانیانەوە ئاگاداری قوتابیان بکەنەوە کە ڕۆژی سێشەممە بێنەوە بۆ قوتابخانە.
دووەم: لە گرووپی تایبەتی مامۆستایانی قوتابخانەکانتان خشتەی ڕۆژانەی وانەکان دابنێن و ئاگاداری مامۆستایان بکرێت بۆ پابەندبوون بەدەوام.
سێیەم: ئەو بەڕێوەبەر و یاریدەدەرانەی کە ئامادەنین بۆ دەستپێکردنەوەی دەوام یاداشتێک بنوسن و سبەینێ ڕۆژی سێشەممە ئاڕاستەی پەروەردەی بکەن.
چوارەم: ئەو مامۆستا بەڕێزانەی ئامادەنین دەوام بکەن بەلیستێک ناوەکانیان بنێردرێت بۆ پەروەردە.
پێنجەم: ئەو مامۆستا وانەبێژە بەڕێزانەی ئامادەنین بۆ دەوام بە لیستێک ناوەکانیان بنێردرێت بۆ پەروەردە.
شەشەم: سەرجەم سەرپەرشتیارە بەڕێزەکان ڕاسپێردراون سبەینێ ڕۆژی سێشەممە سەردانی ناوەندەکانی خوێندن بکەن بۆ بەدواداچونی دەستپێکردنەوەی دەوام
وەڵام بدەوه