بەڕێوەبەری فڕۆکەخانەی نێودەوڵەتیی هەولێر ئاشکرای کرد کە لە ساڵی رابردوو زیاتر لە دوو ملیۆن گەشتیار لە رێگەی فڕۆکەخانەی هەولێرەوە گەشتیان کردووە و ئامادەکارییش کراوە بۆ ئەوەی فڕۆکەخانەی نێودەوڵەتیی هەولێر هێڵی ئاسمانی زیاتر وەربگرێت.
ئەمشەو یەکشەممە 7/1/2024، ئەحمەد هۆشیار، بەڕێوەبەری فڕۆکەخانەی نێودەوڵەتیی هەولێر رایگەیاند: "ساڵی 2023 گەورەترین فڕۆکەخانەی هەولێر گەورەترین ئاماری تۆمارکرد، کە 2 ملیۆن و 84 هەزار و 813 گەشتیار لە رێگەی فڕۆکەخانەکەوە گەشتیان کردووە."
گوتیشی: "گەشتەکانی فڕۆکەخانەی هەولێر زیاتر بۆ تورکیا و وڵاتانی رۆژئاوایە، لە وەزری هاویندا رۆژانە 11 گەشتی راستەوخۆی نێوان هەولێر - ئەنقەرە، هەولێر - ئیستانبوڵ، هەولێر - ئەنتاڵیا هەیە، هەروەها بۆ وڵاتانی رۆژئاوا زیاتر گەشتەکان بۆ وڵاتی ئەڵمانیایە."
بەڕێوەبەری فڕۆکەخانەی نێودەوڵەتیی هەولێر ئاماژەشی بەوەدا: "لە ساڵی 2023 هاتنی گەشتیاران لە رێگەی فڕۆکەخانەوە بۆ هەولێر 15% زیادی کردووە، هەروەها لە مانگی 12ی ساڵی 2023 لە هەموو مانگەکان زیاتر گەشتیارمان هەبووە، ئەمەش مانای ئەوەیە ئاسایشی هەرێمی کوردستان و فڕۆکەخانە لە ئاستێکی باش دایە."
راشیگەیاند: "پێشبینی دەکەن بۆ ئەمساڵ سێ هێڵی ئاسمانی نوێ گەشتەکانیان راستەوخۆ لەگەڵ فڕۆکەخانەی نێودەوڵەتیی هەوڵیر دەستپێدەکەن."
وەڵام بدەوه