ئەمڕۆ چوارشەممە 3/1/2024، پارێزگای هەولێر ڕاگەیاندراوێكی بڵاو كردەوە، تێیدا هاتووە: "بە بڕیاری سەرۆکی حکوومەتی ھەرێمی کوردستان، لەپێناو پاراستنی شاری ھەولێر و دەوروبەری لە کاریگەرییەکانی لافاو، بە گوژمەی 2 ملیار و 100 ملیۆن دینار، سێ پڕۆژەی ستراتیژی خراونەتە واری جێبەجێکردنەوە، کە پێک هاتوون لە کۆنکریتی ڕێڕەوی سروشتی لە گردجووتیار، کۆنکریتکردنی ڕێڕەوی سروشتیی کۆڕنیش نزیک شاری زیلان، دروستکردنی پردێکی ھەشت چاوە لە گوندی تەندوورەی سەر بە ناحیەی شەمامک."
ئەوەش خراوەتە ڕوو، ئێستا ھەرسێ پڕۆژەکە لە جێبەجێکردندان و مەبەست لە ئەنجامدانیان، پاراستنی شاری ھەولێر و دەوروبەریەتی لە زیانەکانی لافاو، دوای تەواوبوونیان، کاریگەرییان لەسەر کەمکردنەوەی زیانەکانی لافاو دەبێت.
پارێزگای هەولێر باس لەوەش دەكات، ئەو سێ پڕۆژەیە ڕێڕەوی ئاوی باران چارەسەر دەکەن، ساڵانە بەھۆی بارانی زۆرەوە ئاوێکی زۆر لەو ڕێڕەوانە دەردەچێت، پێویست بوو حکوومەت بۆ پاراستنی ئەو ناوچانە، چارەسەری ئاوی سروشتی بکات و ئەو ناوچانە پارێزراو بن.
وەڵام بدەوه