بەداخێکی قوڵ و نیگەرانیەکی زۆرەوە، بەدواداچونمان بۆ ئەو گرتە ڤیدیۆییە کرد، کە لە تۆڕە کۆمەڵاتیەکان بڵاوبوەوەو تیایدا دەردەکەوێت، گەنجێکی کورد روبەڕو ی دەستدرێژی و لێدان و سوکایەتیکردن دەبێتەوە، لەلایەن هەندێک گەنجی عەرەبەوە، بەهۆی پۆشینی جل و بەرگی کوردی.
دوای لێکۆڵینەوە دەرکەوت، شوێنەکە بەردەم بارەگای پارێزگای کەرکوکە، ئێمە بڕوای تەواومان هەیە عەرەبە رەسەنەکانی خەڵکی شارەکە بێبەرین لەو کردەوە قبوڵ نەکراو و رەتکراوانە، ئەوانەی ئەو دەستدرێژییەیان ئەنجامداوە نامۆن و پەروەردەکراوی بیری بەعس و شۆفنییەکان و لە پاشماوەی رێکخراوی تیرۆرستی داعشن و لەم ساڵانەی دوایدا هاتونەتە ناو شارەکە ،
لەکاتێکدا ئیدانەی ئەو کردەوانە دەکەین، لەگەڵ فەرماندەیی ئۆپەراسیونەکانی کەرکوک لە پەیوەندیدابوین و فەرماندەی ئۆپەراسیونەکان بەڵێنی پێدام پەلە بکات بۆ ئاشکراکردنی ناسنامەی بکەران بۆ ئەوەی سزای خۆیان وەرگرن ، داوا لەلایەنە ئەمنیەکان دەکەین بەزوترین کات دەستگیریان بکەن و راپێچی دادگایان بکەن و یاسا جێبەجێبکرێت، لەپێناو پاراستنی ئاشتی کۆمەڵایەتی و سەقامگیری لە کەرکوک ،
هەر ئەمڕۆش لەگەڵ کاک عبداللە ئەو گەنجە خۆشەویستە پەیوەندیم کرد بە مەبەستی پرسین لەتەندروستی وپشتگیری تەواوی خۆمم بۆ دەربری لە کەیسەکەی .
د. شاخەوان عەبدوڵا
جێگری سەرۆکی ئەنجومەنی نوێنەرانی عێراق
2023/12/20
ڤیدیۆ لەم لینکە دانراوە⬇️
وەڵام بدەوه