پەرلەمانتارێكی سنووری شنگالی پارتی دیموكراتی كوردستان، ئاشكرای دەكات، پارتی لە تەواوی سنووری شنگال بە سەنتەری شارەكەشەوە لە هەموو بنكەكان یەكەم بووە. ئاماژە بەوە دەكات لەو رێژەیەی بەشداریی دەنگدانی كردووە، نزیكەی 70%ی دەنگەكان بۆ بەربژێرەكانی پارتین.
مەحما خەلیل، پەرلەمانتاری سنووری شنگالی پارتی دیموكراتی كوردستان، لە ئەنجوومەنی نوێنەرانی عێراق، رایگەیاند، لە سنووری شنگال رێژەی بەشداریكردن 50%ی تێپەڕاندووە و لەو رێژەیەش زیاتر لە 70%ی دەنگەكان دراونەتە بەربژێرەكانی پارتی دیموكراتی كوردستان، لە تەواوی سنووری شنگال و زومار و سنوونێ، كە ئاگاداری داتاكانی دەنگدانن، لە تەواوی وێستگە و بنكەكان پارتی دیموكراتی كوردستان بە رێژەیەكی بەرچاو، كە لەگەڵ هیچ لیستێكی دیكە بەراورد ناكرێ، لە پێشەوەی لایەنەكانی دیكەوەیە، گوتیشی: ”لە ناو سەنتەری شنگال و لەناو ئاوارەكانیشدا هەر پارتی یەكەم بووە.“
ئاماژەی بە دۆخی شنگال دا، كە ئەگەر دۆخەكە بەو شێوەیە نەبووایە، ئەوا رێژەی بەشداریكردن و دەنگی پارتی زیاتر دەبوو.
وەڵام بدەوه