وەزارەتی کاروباری شەهیدان و ئەنفالکراوانی حکوومەتی هەرێمی کوردستان روونکردنەوەیەکی لەبارەی لێدوانی کەسێک سەبارەت بە ئاماری شەهیدانی لایەنەکان لە جەنگی دژی داعش بڵاوکردەوە.
ئەمڕۆ یەکشەممە 17/12/2023، وەزارەتی کاروباری شەهیدان و ئەنفالکراوان لە روونکردنەوەیەکدا بڵاوی کردەوە: "لەم ڕۆژانەدا کەسێک وەک ڕاوێژکاری وەزارەتی کاروباری شەهیدان و ئەنفالکراوان خۆی ناساندوەو لێدوانێکی بۆ پەیجێک بەناوی (ناوەندی هەواڵ) داوە سەبارەت بە ئاماری شەهیدانی لایەنەکان لە جەنگی دژی داعشدا، بۆیە وەک وەزارەت ئەم ڕوونکردنەوەیەمان بە پێویست زانی کە هەر پێشمەرگە و هاووڵاتییەک لە جەنگی دژ بە تیرۆریستانی داعشدا شەهید بووبێت لە پێناوی بەرگری لە خاک و خەڵکی کوردستاندا، ئەوە شەهیدی کوردستانە بەبێ جیاوازی ڕەنگ و ئایدیای سیاسی."
ئەوەش خراوەتە روو: "لە هەمانکاتدا ئێمە لە وەزارەتی کاروباری شەهیدان و ئەنفالکراوان هیچ جۆرە ئامارێکی لەو بابەتەمان بڵاونەکردۆتەوە و لێشی بەرپرسیارنین و لەناو وەزارەتیشدا هیچ ڕاوێژکارێکمان بەناوی مەنسوور کەریم نیە."
وەڵام بدەوه