بەبڕیاری مەسرور بارزانی یەکەی نیشتەجێبوون بۆ ژنانی شێڵتەرەکان و منداڵانی بێسەرپەرشت دابین دەکرێت

بە بڕیاری سەرۆک وەزیران  مەسرور بارزانی، منداڵانی بێسه‌رپه‌رشت داده‌مه‌زرێنرێت و یەکەی نیشتەجێبوون به‌ ژنانی شێڵتەره‌كان و منداڵانی خانه‌ی بێسه‌رپه‌رشتان ده‌درێت.

ئەمڕۆ چوارشەممە 06-12-2023 ئاریان ئه‌حمه‌د، گوتەبێژی وەزارەتی کار و کاروباری کۆمەڵایەتی رایگه‌یاند: مەسرور بارزانی سەرۆک وەزیران رەزامەندی لەسەر دابینکردنی یەکەی نیشتەجێبوون بۆ ئەو ژنانە داوە کە لە شێڵتەرەکاندان و هیچ کێشەیەکی یاساییان نەماوە، خێزانەکانیان ئامادەنین وەریانبگرنەوە، لەگەڵ ئه‌و منداڵە‌ بێ دایک و باوكانەی له‌ خانەی‌ بێسه‌رپه‌رشتانن و 18 ساڵیان ته‌واوكردووه‌.

گوتەبێژی وەزارەتی کار و کاروباری کۆمەڵایەتی ده‌ڵێت: نزیكەی 50 منداڵ و 10 ژن به‌ منداڵه‌كانیانه‌وه‌ له‌و 20 هه‌زار یەکەی نیشتەجێبوونەی بڕیارە بۆ كه‌مدەرامه‌تان دروست بكرێت، هه‌ر یەکێکیان شوقه‌یه‌كی پێده‌درێت.