سەرۆكی حكوومەتی هەرێمی كوردستان، پێشوازیی لە باڵوێزی پاكستان لە عێراق كرد و لە دیدارەكەدا بەهێزکردنی پەیوەندی دوولایەنە تاوتوێ کرا.
ئەمڕۆ دووشەممە 23/10/2023، مەسرور بارزانی، سەرۆكی حكوومەتی هەرێمی كوردستان، پێشوازیی لە ئەحمەد ئەمجەد عەلی، باڵوێزی پاکستان لە عێراق کرد، کە بە بۆنەی کۆتاییهاتنی ئەرکەکەی سەردانی سەرۆكی حكوومەتی كردبوو،
لە دیدارەکەدا بەهێزکردنی پەیوەندی دوولایەنە تاوتوێ کرا، بە تایبەتی لە بواری بازرگانی و وەبەرهێنان.
سەرۆكی حكوومەتی هەرێمی كوردستان سوپاسی باڵوێزی پاكستانی لە عێراق كرد، بۆ کارکردنی لەپێناو پەرەپێدانی پەیوەندییەکانی هەرێمی کوردستان و پاکستان و هیوای سەرکەوتنی لە ئەرکی داهاتوویدا بۆ خواست.
باڵوێزی پاکستان وێڕای ستایشکردنی پێشکەوتن و ئاوەدانیی هەرێمی كوردستان، پێزانینی خۆی بۆ لایەنە پەیوەندیدارەکانی حکوومەتی هەرێمی کوردستان دەربڕی بۆ هاوکاری و پشتگیرییان لە سەرخستنی ئەرکەکەی.
وەڵام بدەوه