ڕۆژی چوارشەممە ٣٠ـی ئاداری ٢٠٢٢ لە سەلاحەدین سەرۆک مەسعود بارزانی پێشوازی لە ماتیو تۆلەر باڵیۆزی ئەمەریکا لە عێراق و شاندێکی یاوەری کرد.
لە دیدارەکەدا پڕۆسەی سیاسی عێراق و ھەنگاوەکانی پێکھێنانی حکومەتی تازەی عێراق تاوتوێ کران.
ھەر لە دیدارەکەدا باڵیۆزی ئەمەریکا لە عێراق وێڕای دووپاتکردنەوەی پاڵپشتی وڵاتەکەی بۆ سەقامگیری ھەرێمی کوردستان و عێراق جەختی لەوە کردەوە کە ئەمەریکا خوازیاری ئەوەیە حکومەتی داھاتووی عێراق حکومەتێکی بەھێز بێت، پێزانینیشی بۆ ڕۆلی سەرۆک بارزانی لە دامەزراندنی هەرێمی کوردستان و عێراقی نوێ و پڕۆسەی سیاسی عێراق ھەبوو.
لە بەشێکی ئەم دانیشتنەدا بیروڕا لە بارەی تەحەدیات و کۆسپەکانی بەردەم پڕۆسەی سیاسی و گوشاری سەر لایەنە سیاسیەکان بۆ سەرنەگرتنی ڕێوشوێنی دەستوری و دیموکراتیەکانی ناو پڕۆسەی سیاسی عێراق ئاڵوگۆڕکران و، لەبارەی قەیرانی سیاسیی عێراق سەرۆک بارزانی ڕایگەیاند کە بۆ ڕاستەڕێکردنی بارودۆخی عێراق پێویستە ئەنجوومەنی نوێنەران و دامەزراوەکانی تر دوور لە هەر جۆرە گوشارێک بە ئەرکی سرووشتی خۆیان هەڵبستن و بنەماکانی شەراکەت و تەوازون و دەستوور جێبەجێ بکەن.
کوردستان پڕێس 
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه