‎پارێزگاری هەولێر سەردانی پارتی سۆسیالیستی كوردستانی باکووری كرد

ئەمڕۆ 25/3/2022 ئومێد خۆشناو پارێزگاری هەولێر بەیاوەری بەڕێوەبەری گشتی گەشت وگوزاری هەولێر ئیسماعیل مینە خان بەڕێوەبەری گشتی گەشت وگوزاری هەولێر سەردانی بارەگای پارتی سۆسیالیستی كوردستانی توركیا كرد و لەلایەن مەسعود تەك سەرۆكی پارتی و ئەندامانی پارتەكە پێشوازیان لێكرا.
‎لەم دیدارەدا باس لە دوایین پەرەسەندنەكانی ناوچەكە كرا  بەتایبەت لە عیڕاق و توركیا  و تیشك خرایە سەر بارودۆخی عیڕاق و پێشكەوتنی پرسی نەتەوەیی كورد لە هەر چوار پارچەی كوردستان.
‎پارێزگاری هەولێر خۆشحاڵی خۆی بەم سەردانە نیشان دا و هیوای سەركەوتن و پێشكەوتنی بەردەوامی بۆ خواستن و ئومێدی یەكبوون و یەكخستنی هەڵوێست و گوتاری كوردی بۆ خواستن .
‎لەلای خۆشیەوە سەرۆكی پارتی سۆسیالیستی كوردستانی توركیا سوپاسی سەردانی پارێزگاری هەولێری كرد و  ئاماژەی بەوەش كرد هەوڵی پارتە كوردیەكانی باكوور بەردەوامن بۆ دروست كردنی بەرەیەكی سیاسی هاوبەش لەسەر بنەمای گفتۆگۆ لەگەڵ دەوڵەت و حكومه‌تی توركیا بۆ بەرقەراربوونی ئاشتی و ئارامی لە عیڕاق و توركیا و ناوچەكە .