نەبەز عەبدولحەمید، قائیمقامی ناوەندی هەولێر بڕیارێكى وه‌زاره‌تى ناوخۆى حكومه‌تى هه‌رێم له‌باره‌ى سیمكارته بێ ناسنامه‌كانه‌وه ئاشكراده‌كات. كه ده‌بێت له‌سه‌رجه‌م بازاڕه‌كان ده‌ستی به‌سه‌ردا بگیرێت.
قائیمقامی هه‌ولێر ڕاگه‌یاند،" بڕیاری ژمارە 110ی تایبەت بەقەدەغەکردنی سیمکارتی بێناسنامە لە 1ی ئەیلولی 2021 لەئەنجومەنی وەزیرانی هەرێم دەرچوە، لەلایەن لیژنە ئەمنییەکان‌و قائیمقامیەتەکان کاری لەسەردەکرێت، لایەنێکی دیکەی جێبەجێکاری بڕیارەکە وەزارەتی گواستنەوەو گەیاندنە، کە دەبێت کۆمپانیاکان لەرێگەی بریکارەکانیان سیمکارتەکان دابەشبکەن‌و چاودێریان بکرێت، نابێ سیمکارت بدرێت بەهەموکەس‌و بەبێ ڕێکارە یاساییەکان بیفرۆشنەوە، چونکە سیمکارتە بێ ناسنامەکان بونەتە هۆکار بۆ چەندین کێشەی کۆمەڵایەتی".
ڕاشیگه‌یاند،"هەرکەسێک سیمکارت بفرۆشێت دەبێ ئەو سیمکارتە فۆڕمی هەبێت‌و بەناسنامە وەرگیرابێت، دەبێ سیمکارت لەو شوێنانە بفرۆشرێن کە مۆڵەتیان پێدراوە نەک هەر کەسێک لەدوکان‌و سەر مێزێک سیمکارت بفرۆشێت".
له ماوه‌ی ڕابردووشدا، لیژنەیەکی باڵا لەوەزارەتی ناوخۆو وەزارەتی گواستنەوەی حکومەتی هەرێمی کوردستان، بۆ ڕێگریکردن لەفرۆشتنی سیمکارتی بێناسنامە پێکهێنراوە.
وەڵام بدەوه