فراکسیۆنە کوردستانیەکان پەیامی کۆتاییان گەیاندە بەغدا

فراکسیۆنە کوردستانیەکان بۆ بەغدا، هەڵبجە تایبەتمەندی خۆی هەیە، چەندین جار کیمیاباران و ئەنفال کراوە، بۆیە نابێت و قبوول ناکەین بابەتی هەڵەبجە تێکەڵ بکرێت بە ناوچەکانی دیکەوە.

ڤیان سەبری، ئێمە وەکو فراکسۆنی کوردستانی هەموو هەوڵێکی خۆمان لەگەڵ فراکسیۆنەکانی شیعە و سوننە داوە، ئەمڕۆش کۆبوونەوەکمان لەگەڵ شاخەوان عەبدوڵڵا لەسەر هەمان بابەتدا هەیە، بەڵام یەمەکجار دەبێت رێژەی یاسایی تەواو بکرێت، دواتریش دەنگ بدرێت بە یاساکە کە لەخشتەی کاری پەرلەماندا وەکو بابەتی سێیەم هاتووە.

ئاماژەی بەوەشکرد، شیعە و سوننە هەندێک ناوچەیان هەیە، وەک تەلەعفەر و فەلوجە و چەند قەزایەکی دیکە، کە دەڵێن ئەوانەش پێویستە ببنە پارێزگا، لایەنێکی دیکەی بابەتەکەش بە لای ئەوان ئەوەیە، کە ئێستا کاتی هەڵبژاردنە، بۆیە کێشە سیاسییەکان تێکەڵ یەک دەکەن، بۆیە ئێمە دووپاتی دەکەینەوە کە هەڵبجە تایبەتمەندی خۆی هەیە، چەندین جار کیمیاباران و ئەنفال کراوە، بۆیە نابێت بابەتی هەڵەبجە تێکەڵ بکرێت بە ناوچەکانی دیکەوە.

گوتیشی: ئێمە رێگر نین سبەی فەلوجە یان هەر شوێنێکی دیکە بکرێتە پارێزگا، عێراق هەر بە 18 پارێزگا نامێنێتەوە، بۆیە بابەتی هەڵەبجە رێکاری یاسایی خۆی وەرگرتووە و خوێندنەوەی یەکەم و دووەمی بۆکراوە، تەنها ماوە دەنگی پێبدرێت.