فازڵ حاجی، گوتەبێژی هاتوچۆی هەولێر بڵاوی کردەوە: "سەرجەم شوفێران و هاووڵاتییان ئاگادار دەکەینەوە کەوا تیمەکانی ئەندازەی هاتوچۆی هەولێر بە هەماهەنگی لەگەڵ تیمەکانی پاراستن و چاککردنەوەی رێگەوبانی هەولێر، لە رۆژانی یەکشەممە 1ی 10ی 2023 تاوەکوو 3ی 10ی 2023، هەڵدەستن بە ئەنجامدانی هێڵکاری کردن و نۆژەنکردنەوەی هێماکانی هاتوچۆی ناو تونێلی پیرمام.
گوتەبێژی هاتوچۆی هەولێر ئەوەشی خستووەتە روو: بۆ ئەم مەبەستە لە رۆژی یەکشەممە لە کاتژمێر 12ی شەوەوە، سایدی چوون لە هەولێر بۆ شەقڵاوە لە ئۆڤەرپاسی پیرمامەوە دادەخرێت و شوفێری ئۆتۆمبێلە بچووکەکان بۆ چوونە شەقڵاوە، دەتوانن ڕێگەی پیرمام بەکاربێنن وەکوو ڕێگەی بەدیل، وە بۆ ئۆتۆمبێلی بارهەڵگر دەتوانن هەردوو ڕێگەی هەنارە و شێخ توراب بەکاربێنن، تاوەکوو کاتژمێر 6ی بەیانی رۆژی دووشەممە، وە بۆ رۆژی دواتر بەهەمان شێوە لە کاتژمێر 12ی شەو تاوەکوو 6ی بەیانی تونێل سایدی چوونی دادەخرێت، بۆ رۆژی سێیەمیش سایدی هاتن لە شەقڵاوە بۆ هەولێر لە دەروازەی کۆڕێ دادەخرێت لە هەمان کاتی شەوانی پێشتر، وە شوفێران بۆ هاتنە هەولێر دەتوانن بچنەوە ناو شارۆچکەی کۆڕێ و بەرەو پیرمام و بۆ هەولێر.
وەڵام بدەوه