بانکێک کە ھەموو تایبەتمەندی بانکی جیھانی تێدایە لە ھەرێمی کوردستان تومارکرا
ئەمڕۆ پێنجشەممە 21/9/2023، لەسەر فەرمانی سەرۆکایەتی ئەنجومەنی وەزیران یەکەم بانکی حکومی بەناوی (نیشتمان) تۆمارکرا، کە کۆمپانیایەکی گشتیی و بانکێکی حکومییە و پەیوەندی راستەوخۆی دەبێت لەگەڵ بانکی ناوەندیی عێراق.
بلند محەمەد: هەموو تایبەتمەندی و ئاسانکاری بانکی جیهانی لە بانکی نیشتمانیدا هەیە، حکومەتی هەرێمی کوردستان مەبەستی ئەوەیە مووچەخۆران سوود لە خزمەتگوزارییەکانی ئەو بانکە وەربگرن، هاوکات ئەمە دەبێتە ئاسانکاری زیاتر بۆ گواستنەوەی پارە و بەشە بودجەی هەرێمی کوردستان لە بەغداوە، کە پێویست بە گۆڕینەوەی پارە و هەندێک رێکاری دیکە ناکات، هاوشێوەی بانکی ناوەندی، سیستەمی بانکی و سیستەمی مووچەخۆرانی تێدایە.
بڵند محەممەد، ئاماژەی بەوەشکرد:ئەو کۆمپانیایە وەک کۆمپانیایەکی گشتی حکومی دامەزرا، پێشتر بەشێک لە رێکارەکانی لە بانکی ناوەندیی عێراقەوە دەستپێکراوە، دەستەی دامەزرێنەرانی لە وەزیری دارایی و ژمارەیەک ئەندامی دیکە پێکهاتووە، لە قۆناغەکانی داهاتوودا رێکارەکانی ئەو بانکە لە بانکی ناوەندی تەواو دەکرێت.
وەڵام بدەوه