ئه‌مڕۆ پێنجشه‌م پارێزگای دیوانییه بڕیاری دا ته‌واوی هه‌فته‌ی داهاتوو له داموده‌زگای پارێزگاكه‌یان پشوو بێت به‌هۆی به‌ڕێوه‌چوونی مه‌ڕاسیمه‌كانی چله‌ی ماته‌مینی ئیمامی حوسێن.
نووسینگه‌ی ڕاگه‌یاندنی پارێزگای دیوانییه بڵاوی كرده‌وه: هه‌فته‌ی داهاتوو سێ رۆژ پشووی ده‌بێت له فه‌رمانگه و داموده‌زگاكان و پشووه‌كه‌ش له رۆژی یه‌كشه‌می داهاتووه‌وه ده‌ست پێ ده‌كات به‌هۆی به‌ڕێوه‌چوونی مه‌ڕاسیمه‌كانی چله‌ی ماته‌مینی ئیمامی حوسێن.
ڕاشیگه‌یاند: پشووه‌كه ده‌خرێته سه‌ر ئه‌و پشووه‌ی كه پێشتر ئه‌نجوومه‌نی وه‌زیرانی عێراق دیاری كردبوو كه رۆژانی چوارشه‌م و پێنجشه‌می كردبووه پشووی فه‌رمی.
به‌مه‌ش ته‌واوی هه‌فته‌ی داهاتوو له فه‌رمانگه و داموده‌زگاكانی پارێزگای دیوانییه ده‌بێته پشوو و ده‌وام ناكرێت، پشووه‌كه ته‌نیا فه‌رمانگه خزمه‌تگوزاری و ئه‌منییه‌كان ناگرێته‌وه.
وەڵام بدەوه