ئاگاداریەک لە بەڕێوەبەرایەتیی هاتوچۆی هەولێر

ئەمڕۆ چوارشەممە 30/8/2023 بەڕێوەبەرایەتیی هاتوچۆی هەولێر ئاگادارییەکی بڵاو کردەوە کە تێیدا بڕیارێکی دەربارەی تۆمارکردنی ئۆتۆمبێل دەرکردووە.
لە ڕاگەیەندراوەکەی بەڕێوەبەرایەتیی هاتوچۆی هەولێردا هاتووە: ''سەرجەم هاووڵاتییان و شوفێرانی بەڕێز و کۆمپانیاکانی هاوردەکردنی ئۆتۆمبێل ئاگادار دەکەینەوە کەوا بەپێی ڕێنوێنیی وەزارەتی ناوخۆ تۆمارکردنی ئۆتۆمبێلی ساڵی نوێ لە ڕێکەوتی 1ی 9 دەست پێ دەکات بۆ هەموو ساڵێک.''
ڕوونیش کراوەتەوە: ''هەر هاووڵاتییەک ئۆتۆمبێلی مۆدیل 2024ی کڕیبێت، دەتوانێت 1ی 9-وە دەست بە تۆمارکردنی ئۆتۆمبێلەکەی بکات و ئەو ماوەی کە ئۆتۆمبێلەکەی لەلا بووە بەبێ تۆمار، ئەگەر لە 60 ڕۆژیش ڕەتی کردبێت بۆی بە سزای دواکەوتن ئەژمار ناکرێت بە مەرجێک ڕۆژی تۆماری نەگاتە کۆتایی مانگی 9 و بەپێچەوانەوە ئەو ماوەی پێشتریش کە لەلای بووە بەبێ تۆمار بە سزای دواکەوتن ئەژمار دەکرێت.''