Kurdistan Press - سیروان بارزانی ھەموو شتێکی ئاشکراکرد سیروان بارزانی ھەموو شتێکی ئاشکراکرد | Kurdistan Press

KurdistanPress...

CLOSE

سیروان بارزانی ھەموو شتێکی ئاشکراکرد

بەرپرسی میحوەری شەشی هێزی پێشمەرگە، رایدەگەیەنێت، پێشمەرگەی کوردستان بەسەرپەرشتی راستەوخۆی سەرۆک بارزانی توانیان ئەفسانەی داعش تێکبشکێنن، لەبارەی هاوکارییەکانی هاوپەیمانان سیروان بارزانی گوتی: هاوپەیمانان لە هاوکاریکردنی پێشمەرگە بەردەوامن، بەڵام هاوپەیمانان لە کێشەکانی وەزارەتی پێشمەرگە نیگەرانن.

سیروان بارزانی، بەرپرسی میحوەری شەشی هێزی پێشمەرگە، رایگەیاند، ئەو کاتەی کە ئەفسانەی داعش شاری مووسڵی داگیر کرد، فیرقەی هەشتی سووپای عێراق بەو هەموو چەکە پیشکەوتوانەی کە هەیانە بەرگەی کاتژمێرێکی داعشیان نەگرت و تێکشکان، دواتر شنگال و چەند ناوچەیەکی دیکە داگیرکران، داعش نزیکببوەوە لە سنوور هەرێمی کوردستان تەنانەت 25 کیلۆمەتر دوور بوو لە هەولێر

هەروەها راشیگەیاند، بەرەبایەنی (7ـی ئابی 2014) یەکەم رۆژی راگرتنی ئەفسانەی داعش بوو لەسەر دەستی پێشەمەرگە قارەمانەکان، بە سەرپەرشتی راستەوخۆی سەرۆک بارزانی، پێشمەرگە توانیان پێشرەوییەکانی داعش بوستێنن و سەرەتا چەند گوندێکی بچووک ئازادکران، دواتر گوێر و مەخموور ئازاد کران، لەسەر دەستی پێشمەرگە بوو داعش تێکشکا.

ئاماژەی بەوەشدا، پیشمەرگەی کوردستان بوو کە کوردستانی پاراست و نەیهێشت بکەوێت ژێر دەستی داعش، هەروەها خەڵکی ئەو ناوچانەی کە ئازادکران شاهێدن کە کێ داعشی تێکشکاندووە و کێ لە سەنگەر بووە، هەموو هێزی پێشمەرگە بەشداربوونە لە تێکشکاندنی داعش، لە ئێستادا ناوی پێشمەرگە زۆر بەرزە لە جیهاندا.

لەبارەی پرۆسەی یەکخستنەوەی هێزەکانی پێشمەرگە، بەرپرسی میحوەری شەشی هێزی پێشمەرگە، گوتی: "پێویستە پێشمەرگە یەک دەست و یەکگرتوو بێت لەژێر چەتری وەزارەتی پێشمەرگە بێت، هەروەها دەبێت هەموو لایەنەکان هاوکار و جددی بن بۆ پیشخستنی پرۆسەی یەکگرتنەوەی هێزەکانی پێشمەرگە، هەروەها یەکگرتنەوەی هێزەکان نابێت تێکەڵ بە ململانێی سیاسی بکرێت، گەورەترین خیانەت ئەوەیە ئەگەر کەسێک ململانێ سیاسی بگوازێتەوە ناو وەزارەتی پێشمەرگە

سەبارەت بە هاوکارییەکانی هاوپەیمانان بۆ پێشمەرگە، سیروان بارزانی، ئاماژەی بەوەدا، "هاوپەیمانان لە هاوکاریکردنی پێشمەرگە بەردەوامن، بەڵام هاوپەیمانان لە کێشەکانی وەزارەتی پێشمەرگە نیگەرانن، هاوپەیمانان هاتوون بۆ ئەوەی یەکمان بخەنەوە ئێمە دەبێت سوپاسیان بکەین نابێت رێگری بکرێت لەو پرۆسەیە، پرۆسەکە هەنگاوی باشی بڕیەوە کە جێگای دڵخۆشیە بەڵام لەسەر هەندێک گرفتی بچووک ئەو پڕۆسەیە خاو بووەتەوە".

بەرپرسی میحوەری شەشی هێزی پێشمەرگە، دەڵێت: هەندێک جار خەڵکانێک لە ترسی پێگەی خۆیان دەیانەوێت ئەو پرۆسەیە دوابخرێت، بەڕاستی هیچ بیانووێک نییە بۆ ئەوەی ئەو پرۆسەیە دوا بکەوێت.

گوتیشی: پێویستە ململانێی کەسی نەهێندرێتە ناو وەزارەتی پیشمەرگە، پێویستە لەناو وەزارەتی پێشمەرگە کۆدەنگی و یەکگرتووی هەبێت و بەدوور بێت لە کێشەی سیاسی، هەروەها وەزارەتی پێشمەرگە خۆڕێکخستەوەی پێەوە دیارە، بەڵام لەو ئاستە نییە کە هاوپەیمانان دڵیان پێ خۆشبێت، دەبێت یەکگرتووتر بن.

باسی لەوەشکرد، دەبێت یەکدەنگی زیاتر لە وەزارەتی پێشمەرگە هەبێت، بەشێکی زۆری پڕۆسەی یەکخستنەوەی هێزەکانی پێشمەرگە ئەنجامدراوە، دەبێت بەزووترین کات ئەو پرۆسەیە جێبەجێ بکرێت، پێویستە بەرژەوەندی کەسی لەو کارە دەربهێندرێت.

 

دەربارەى نوسەر
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
بینینى بابەتەکان

وەڵام بدەوه