ڕۆژنامەی وۆڵ ستریت جۆرناڵ لە زاری بەرپرسانی ئەمەریكییەوە بڵاویكردەوە، كە واشنتۆن سزا بەسەر 14 بانكی عێراقیدا دەسەپێنێت ،بەمەبەستی ڕێگریكردن لە ئەنجامدانی مامەڵەكردن بە دۆلار، ئەمەش لە چوارچێوەی هەڵمەتێكی گشتگیر بۆ بەرەنگاربوونەوەی دزەكردنی دراوی ئەمەریكی بۆ ئێران دێت.
لەوبارەیەوە عەبدولڕەحمان نەجم مەشهەدانی ئەكادیمیست و ئابووریناسی عێراق، دووپاتی دەكاتەوە كە ئەم جۆرە سزایانە كاریگەرییەكی زۆریان لەسەر نرخی دۆلار لە عێراقدا دەبێت.
مەشهەدانی ڕوونیكردەوە، ئەو بانكانەی كە سزاكانیان بەسەردا سەپێنراوە، بەشێكیان سەر بە لایەنە ئاینییەكانن لە عێراق.
هەروەها ڕۆژنامەی وۆڵ ستریت جۆرناڵ دەڵێت: ئەمەریكا زانیاریی ئاشكرا كردووە كە بانكە عێراقییەكان تێوەگلاون لە سپیكردنەوەی پارە و مامەڵەی ساختە، كە ڕەنگە هەندێكیان كەسانی سزادراوی تێدابێت و نیگەرانییەكانیشی خستۆتە ڕوو كە ڕەنگە ئێران سوود لەم مامەڵانە وەربگرێت.
هاوكات مەحمود داغر، ئابوریناسی عێراق، پێشبینی دەكات كە سەپاندنی سزا بەسەر بانكەكانی عێراقدا، كاریگەری دابەزینی زیاتری بەهای دیناری عێراقی لێبكەوێتەوە، بەجۆرێك نرخی ئاڵوگۆڕی دراو بەرامبەر دۆلار ببێتە سەرووی ئاستی هەزار و 500 دینار بەرامبەر دۆلار
کوردستان پڕێس 
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه