وەزیرى دارایی عێراق هۆکارى رەزامەندینەدان لە ناردنى 400 ملیار دینارەکەى پشکى هەرێمى کوردستان ئاشکرا دەکات و دەیگەڕێنێتەوە بۆ بڕیارەکانى دادگەی باڵاى فیدڕاڵى و ماددەیەکى بودجەى 2021 و "وردنەبوون"ی راپۆرتى دیوانى چاودێرى دارایی لەبارەى خەرجییەکانى هەرێمى کوردستان.
بەگوێرەى نووسراوێکى فەرمى کە تەیف سامى، وەزیرى دارایی عێراق لە 19ى کانوونى یەکەمى 2022 ئاڕاستەى ئەمینداریێتى گشتى ئەنجوومەنى وەزیرانى عێراقى کردووە، هۆکارەکانى رەزامەندینەدانى بۆ ناردنى 400 ملیار دینارەکە بڵاوکردووەتەوە کە پێشتر حکومەتى فیدڕاڵى لە 13ى کانوونى یەکەمى 2022 بڕیارى ناردنى دابوو.
لە نووسراوەکەى وەزیرى داراییدا هاتووە کە دەبووایە بەگوێرەى ماددەى 10ى یاسای بودجەى گشتى 2021 شایستە داراییەکان لەنێوان هەرێمى کوردستان و حکومەتى فیدڕاڵى بۆ ساڵانى نێوان 2004 بۆ 2020 پاکتاو بکرێن، بەڵام ئەو هەنگاوە نەنراوە.
یەکێکى دیکە لە هۆکارەکانی نەناردنى 400 ملیارەکە بەگوێرەى نووسراوەکە بڕیارى ژمارە 59ى ساڵى 2012 و 110ى ساڵى 2019ى دادگەى باڵاى فیدڕاڵییە کە تێیدا جەخت لە گرنگى پاکتاوى دارایی نێوان هەولێر و بەغدا کراوەتەوە بەر لەهەر رێوشوێنێک، کە بگیرێتەبەر لەبارەى دیاریکردنى پشکى هەرێمى کوردستان لە بودجەى گشتى عێراقدا.
بەگوێرەى بڕیارى ژمارە 59ى دادگەى باڵاى فیدڕاڵى عێراق کە لە 15ى شوباتى 2022 دەریکردووە و لە چوار بڕگە پێکهاتووە کە جگە لە هەڵوەشاندنەوەى یاساى نەوت و گازى هەرێمى کوردستان، داوایکردووە هەناردەى نەوتى هەرێمى کوردستان رادەستى بەغدا بکرێت و دیوانى چاودێرى دارایی عێراق وردبینى لە گرێبەستەکانى نەوتى هەرێمى کوردستان بکات و لەدواى جێبەجێکردنى سەرجەم ئەو رێکارانە لەلایەن هەرێمى کوردستانەوە پشکەکەى لە پڕۆژەیاساى بودجەى گشتى عێراق دیاریبکرێت.
هەرچى بڕیارى دووەمە کە ژمارە 110 ى فیدڕاڵی لەلایەن پەرلەمانتارێکى عێراق لە پشکى پارێزگاى بەسڕە پێشکێشکراوە، دژ بە سەرۆکى پەرلەمانى کوردستان و وەزیرى سامانە سرووشتییەکان و لەگەڵ هەمان سکاڵاى پێشوو تێکەڵکراون.
هۆکارى سێیەمى نەناردنى 400 ملیار دۆلارەکە بەگوێرەى ئەو نووسراوە ئەوەیە کە لە 12ى کانوونى یەکەمى 2022 نووسراوێکى دیوانى چاودێرى داراییان پێگەیشتووە و تێیدا هەرێمى کوردستان داوایکردووە خەرجییەکانى هەرێمى کوردستان بۆ ساڵى 2021، بکرێتە 17 ترلیۆن و 703 و ملیار و 110 ملیۆن و 866 هەزار و 550 دینار، لە برى 12 ترلیۆن و 156 ملیار و 498 ملیۆن و97 هەزا دینار و ئەوەى بەبەڵگەى "ناوردى" ئەو راپۆرتە لەقەڵەمداوە کە لە لایەن دیوانى چاودێرى دارایی هەرێمى کوردستانەوە پێشکێش کراوە و نووسیوێتى: "ئەوە پێویستى بە بۆچوونى دیوانى چاودێرى دارایی عێراقە."
لە کۆتایی نووسراوەکەدا وەزیرى دارایی عێراق ئاماژەى بەوەشداوە، پێشتر وەزارەتى دارایی تێبینی هەبووە لەسەر بڕیارى هاوشێوە کە لەلایەن ئەنجوومەنى وەزیرانەوە دەرکراوە کە تایبەت بوون بە خەرجکردنى مووچەى فەرمانبەرانى هەرێمى کوردستان.
ساڵى 2022 حکومەتى فیدڕاڵى عێراق دوو گوژمەى 200 ملیار دینارى وەک بەشە بودجەى هەرێمى کوردستان ناردووە.
Lanya
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه