سۆمۆ هاتە دەنگ

کۆمپانیای سۆمۆ: هەموو مانگێک ڕاپۆرتی هەناردەی نەوت ڕەوانەی وەزارەتی دارایی دەکرێت

جێگری بەڕێوەبەری گشتیی کۆمپانیای سۆمۆ ئاماژە بەوە دەدات، هەموو مانگێک ڕاپۆرتی هەناردەی نەوتی هەرێمی کوردستان و عێراق بۆ وەزارەتی دارایی عێراق دەنێردرێت، دەشڵێت، هەرێمی کوردستان ڕۆژانە 200 بۆ 250 هەزار بەرمیل نەوت هەناردە دەکات.

د. حەمدی شنگالی، جێگری بەڕێوەبەری گشتیی کۆمپانیای سۆمۆ رایگەیاند، هەرێمی کوردستان بەشێوەیەکی بەردەوام ڕۆژانە لەنێوان 200 بۆ 250 هەزار بەرمیل نەوت ڕادەست دەکات، هەموو مانگێک ڕاپۆرتی هەناردەی نەوت ڕەوانەی وەزارەتی دارایی دەکرێت.

بەگوتەی جێگری بەڕێوەبەری گشتیی کۆمپانیای سۆمۆ، ڕۆژانە سێ ملیۆن و 350 هەزار بەرمیل لە عێراق، بەو نەوتەی هەرێمی کوردستانیشەوە بەرهەم دەهێنرێت.