دەزگای ئاسایشی نیشتمانیی عێراق ئەمڕۆ سێشەممە دەستگیركردنی فەرماندەیەكی رێكخراوی تیرۆریستی داعشی راگەیاند كە پێشتر دەستی هەبووە لە كوشتنی 19 ئەندامی هێزە ئەمنییەكانی عێراق.
دەزگای ئاسایشی نیشتمانی عێراق ئاماژەی بەوە دا كە دوای چاودێرییەكی چڕ، توانرا یەكێك لە فەرماندەكانی رێكخراوی داعش لە بەغدای پایتەختی عێراق دەستگیر بكرێت.
فەرماندەكەی داعش ناوی (ئەبوو محەمەد)ـە و لە ساڵی 2014 پەیوەندی بە ڕیزەكانی داعشەوە كردووە، لەو ماوەیەدا بەشداری لە چەندان هێرش و هەڵكوتانە سەر هێزە ئەمنییەكانی لە سنووری پارێزگاكانی عێراق كردووە، بەهۆیەوە 19 ئەندامی هێزە ئەمنییەكان كوژراون كە یەكێكیان پلەی نەقیبی بووە.
فەرماندەكەی داعش لەو ماوەیەی لەنێو چەكدارانی داعش بووە زۆرترین كات لە فەلووجە بووە و دواتریش چووەتە سووریا و لەو ئاوەیەش بە نهێنی و شاراوە گەڕاوەتەوە بەغدا.
دەزگای ئاسایشی نیشتمانی عێراق جەختیشی كردەوە كە دوای دەستگیركردنی فەرماندەكەی داعش، رادەستی لایەنی دادوەری كردووە بۆ ئەوەی سزای یاسایی بەسەردا بسەپێنرێت.
وەڵام بدەوه