سەرۆكی حزبێكی عێراقی، مەترسییە نوێیەكانی سەر عێراق ڕادەگەیەنێت و دەڵێ: ئیسرائیل دێتە ناو عێراقەوە و دەگاتە پارێزگای ئەنبار، هاوكات باس لەوەش دەكات كە بە خراپی لە گرووپە میلیشیاییەكان دەدات.
ئاراس حهبیب كهریم، سكرتێرى گشتیی پارتى كۆنگرهى نیشتمانیی عێراق، لە بەرنامەیەكی تەلەفزیۆنیدا ڕایگەیاندووە: ئەگەر بێت و ئیسرائیل لە پلانەكانی داهاتووی سەركەوتوو بێت، ئەوا دەگاتە پارێزگای ئەنبار.
ئەو دەڵێ: ململانێیەكی توند لە ناوچەكەدا هەیە، ئەو ململانێیە لە سووریادا لەنێوان ئیسرائیل و توركیادایە، گەر ئیسرائیل سەر بكەوێ سنوور دەبڕێ و دەگاتە عێراق.
ئەو سەرۆكی حیزبە دەڵێت: ناكرێ عێراق پەیوەندییەكانی هێندە لەگەڵ ئەمریكا خراپ بێ، چونكە پێویستیی بە پاراستنە. ئیسرائیل لە عێراق دەدات و ئەوەش پێویستیی بەوەیە عێراق خێرا فریای خۆی بكەوێت.
وەڵام بدەوه