وه‌زاره‌تى ناوخۆى عێراق، ئه‌مڕۆ ئامارى قوربانییه‌كانى شه‌ڕى عه‌شایه‌ریى رۆژهه‌ڵاتى به‌غدا بڵاو ده‌كاته‌وه و ده‌ڵێ، "22 كوژراو و بریندار هه‌ن و 20 كه‌سیش گیراون".
ئه‌مڕۆ سێشه‌م نۆى ئه‌یلوول، عه‌قید عه‌باس به‌هادلى له لێدوانێكى رۆژنامه‌وانیدا ئاشكراى ده‌كات، ئه‌و شه‌ڕه عه‌شایه‌رییه‌ى رۆژى یه‌كشه‌مى رابردوو له ناوچه‌ى مه‌عاملى رۆژهه‌ڵاتى به‌غدا رووى دا، له‌سه‌ر كرێى پاره‌ى موه‌لیده بوو.
به‌هادلى روونى كردووه‌ته‌وه، سه‌ره‌تاى كێشه‌كه له‌سه‌ر نرخى كاره‌باى موه‌لیده بووه، مشتومڕ دروست بووه و دواتر ته‌قه كراوه، سه‌ره‌تا هێزێكى ته‌ناهیى عێراق چووه‌ته شوێنى رووداوه‌كه، كه‌چى ته‌قه له‌وانیش كراوه و ئه‌فسه‌ر و پۆلیسێك بریندار بوون.
شه‌ڕه‌كه گه‌وره ده‌بێت بۆ ماوه‌ى چه‌ند سه‌عات به‌رده‌وام ده‌بێت، گوته‌بێژى وه‌زاره‌تى ناوخۆى عێراق ده‌شڵێ، "شه‌ڕكه‌ره‌كان ژنان و منداڵانیان وه‌ك دیوارێك بۆ پاراستنى خۆیان به‌كار هێناوه و ئه‌مه‌یش وایكردووه هێزه‌كان سڵ بكه‌نه‌وه".
ئینجا چه‌كداره‌كان هێرش ده‌كه‌نه سه‌ر هێزه عێراقییه‌كان، كۆتایى شه‌ڕه‌كه ئه‌وه ده‌بێت 12 كه‌س له هێزه ته‌ناهییه‌كان ده‌بنه قوربانى، چوار كوژراو و هه‌شت بریندار، له چه‌كداره‌كانیش دوو كه‌س كوژران و هه‌شت كه‌س بریندارن.
رۆژى یه‌كشه‌م له رێوڕه‌سمى ناشتنى قوربانیانى پۆلیس، عه‌بدولئه‌میر شه‌مه‌رى وه‌زیرى ناوخۆى عێراق گوتى، "شه‌ڕ له دژى ململانێى عه‌شایه‌رى راده‌گه‌یه‌نین". به‌ره‌به‌یانى ئه‌مڕۆیش هێزه عێراقییه‌كان له رۆژهه‌ڵاتى به‌غدا ده‌ستیان به ئۆپراسیۆنێكى گه‌وره كردووه.
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه