عێراق بۆ چارەسەرکردنی کێشەی کارەبا لاسایی هەرێمی کوردستان دەکاتەوە

ئەحمەد مووسا، گوتەبێژی وەزارەتی کارەبا دی عێراق،  هۆکاری پچڕانی ئەو هێڵەی کارەبای تورکیای ئاشکرا کرد کە چەند ڕۆژێک لەمەوبەر ڕووی دا و جەختی لەوە کردەوە کە ئەمەش دەگەڕێتەوە بۆ پرۆسەی نوێکردنەوەی تایبەتمەندیەکانی هێڵی عێراق بۆ ئەوەی لەگەڵ تایبەتمەندییە کارەبای تورکیا بگونجێت، کە بەردەوام نوێکردنەوەیان بۆ دەکرێت. هەروەها ئاماژەی بەوەشدا کە ئەنقەرە داوای ئەو پارە کەڵەکەکراوەی کردووە کە بەغدا قەرزارە بۆ کڕینی 600 مێگاوات لە ڕۆژێکدا. ئاماژەی بەوەشکرد، وەزارەتی دارایی کاردەکات بۆ ئەوەی لە ماوەی چەند ڕۆژێکدا پارەیان پێبدات، هەروەها کارمەندانی چاککردنەوە لە ئەرکدان بۆ تەواوکردنی کارەکانی نوێکردنەوەی تایبەتمەندییە تەکنیکییەکان لە کەمترین ماوەدا.
گوتەبێژی وەزارەتی کارەبای عێراق، هەروەها ئاماژەی بە دابەزینی ڕێژەی غازی هاوردەی لە ئێرانەوە کرد،د کە دیسانەوە بە نزیکەی 50% کەمی کردووە و لە نزیکەی 42 ملیۆن پێ سێجاوە  بۆ تەنها 20 ملیۆن پێ سێجا.
باسی لە هەوڵی جددی وەزارەتی کرد بۆ لاساییکردنەوەی ئەزموونی هەرێمی کوردستان لە دابینکردنی وزەی بەردەوام لە ڕێگەی پێوەرە زیرەکەکانەوە، کە پێشتر لە کۆمەڵێک بواردا جێبەجێ کراون.