ئەندامیكی كوردی ئەنجومەنی نوینەرانی عێراق لە فراكسیۆنی پارتی، رایدەگەیەنێ، بە دڵنیاییەوە لەم رۆژانەدا كیشەی مووچە چارەسەر دەبێ، ئیتر ئەوكات رووڕەشی و ریسوایی بۆ ئەو خۆفرۆش و بەكرێگیراو و جاشانە دەمێنێتەوە کە دەهۆڵ و شاباشی لەناوچوونی ئەو هەرێمەیان لێ دەدا و، بوونە زوڕناژەن و وەرگێڕ و ملكەچی نەیارانی کوردستان.
سەگڤان سندی، جێگری سەرۆكی لیژنەی ئاسایش و بەرگری لە ئەنجومەنی نوینەرانی عێراق، راگەیاند: ”لەوەتەی دەسەڵاتدارانی بەغدا بڕیاریان داوە مووچەی مووچەخۆرانی هەرێمی كوردستان ببڕن و فشاری زیاتر بخەنە سەر هەرێمی كوردستان، لەنێو كوردستانیشەوە كۆمەڵێ تازەپەرلەمانتار و كۆنەپەرلەمانتاری خۆفرۆشی خۆچەمێن و بەكرێگیراو، هاوكات لەگەڵ فشاری میلشیاكان و درۆنەكانیان و بڕینی مووچەی كوردستانیان، رۆژانە درۆ بۆ خەڵكی كوردستان دەهۆننەوە و پەرێزی دەسەڵاتدارانی مووچەبڕی بەغدا پاك دەكەنەوە و بێتاوان پیشانیان دەدەن، لە هەمان كاتدا حكوومەتی هەرێمی كوردستان تاوانبار دەكەن!“
ئەو پەرلەمانتارەی كوردەی عێراق گوتیشی: ”بە دڵنیاییەوە لەم رۆژانەدا كێشەی مووچە چارەسەر دەبێ، ئیتر ئەوكات رووڕەشی و ریسوایی بۆ ئەو خۆفرۆش و بەكرێگیراو و جاشانە دەمێنێتەوە کە دەهۆڵ و شاباشی لەناوچوونی ئەو هەرێمەیان لێ دەدا و بوونە زوڕناژەنی نەیارانی کوردستان، بەڕاستی خەڵكی كوردستانیش دەبێ باش بزانێ، ئەوە كێ بوو هەوڵی دەدا مافەكانیان لە بەغدا وەربگرێت و كێیش بوو بۆ كۆكردنەوەی دەنگ هەموو رۆژێك دۆخی دەروونیی خەڵكی كوردستانیان تێكدەدا و بانگەشەی لەناوچوونی هەرێمی كوردستانیان لێ دەدا.“
وەڵام بدەوه