شاندى هەرێمى کوردستان لە بەغداد لەگەڵ ئەنجوومەنى ئابووریى عێراق کۆدەبێتەوە و دەرەنجامەکەی سبەی لە کۆبوونەوەی ئەنجوومەنی وەزیرانی عێراق هەڵوەستەی لەسەر دەکرێت.
چەند ڕۆژێکە شاندی هەرێمی کوردستان لە بەغدایە، ژمارەیەک کۆبوونەوەیان لەگەڵ کۆمپانیاى سۆمۆ، نوێنەرى وەزارەتى نەوت، نووسینگەى سەرۆکوەزیرانى عێراق ئەنجامداوە، بەو ئامانجەی بگەنە خاڵی ڕێککەوتن و کێشەی مووچە و هەناردەی نەوت چارەسەر بکرێت.
ئاڤا، ئەمڕۆ دووشەممە شاندى هەرێمى کوردستان لەگەڵ ئەنجوومەنى ئابووریى عێراق کۆدەبێتەوە و بڕیارە لە کۆبوونەوەى سبەى ئەنجوومەنى وەزیرانى عێراق هەڵوەستە لەسەر گفتوگۆکانی نێوان شاندى هەرێمى کوردستان و حکومەتى فیدراڵ بکرێت.
ئەمڕۆ ناوەڕۆکی ئەنجامی کۆبوونەوەکانی نێوان شاندی هەرێمی کوردستان و بەرپرسانی عێراق، لە کۆبوونەوەکەی ئەنجوومەنی باڵای ئابووریی عێراق بە سەرۆکایەتیی فوئاد حوسێن و بەشداریی وەزیرانی دارایی و بازرگانی و کشوکاڵی عێراق و سەرۆک و پارێزگاری بانکی مەرکەزی و دەستەی وەبەرهێنانی عێراق تاوتوێ دەکرێت
وەڵام بدەوه