ڕاوێژکاری ئاسایشی نیشتمانی عێراق نیگەرانی و ترسی گەورەی عێراقی لە ئەگەری بڵاوبوونەوەی مادە تیشکدەرەکان لە ناوچەکەدا رادەگەیەنێت و دەشڵێت: "داوا لە ئاژانسی نێودەوڵەتی وزەی ئەتۆمی دەکەین، ڕێوشوێنی بەپەلە و خێرا بگرنەبەر بۆ ڕێگریکردن لە کارەساتێکی مرۆیی."
نووسینگەی ڕاگەیاندنی ڕاوێژکاری ئاسایشی نیشتمانی عێراق، بڵاوی كردەوە: "لە ژێر ڕۆشنایی هەڵکشانی سەربازیی مەترسیدار لە نێوان ئیرائیل و کۆماری ئیسلامی ئێران کە بە ئامانجگرتنی دامەزراوە ئەتۆمی و سەربازییەکان لەخۆدەگرێت، عێراق نیگەرانییەکی گەورەی خۆی لە مەترسییە قورسەکانی ئەگەری بڵاوبوونەوەی ماددە تیشکدەرەکان لە ناوچەکەدا دەردەبڕێت."
ئاماژە بەوەشکراوە: "بەردەوامبوونی ئەم شەڕە نەک هەر مەترسییە لەسەر ئاسایشی وڵاتانی دراوسێ، بەڵکوو هەڕەشە و کارەساتی تەندروستی و ژینگەیی لەسەر ئاستی جیهانی دروست دەكات."
ڕاوێژکاری ئاسایشی نیشتمانی عێراق، جەختیشی کردەوە: "حکوومەتی عێراق ئامادەیە هاوکاری هەموو لایەنەکان بکات بۆ کۆنترۆڵکردنی ئەم قەیرانە و ڕزگارکردنی خەڵک لە بەڵای جەنگ و ڕێگریکردن لە ڕاکێشانی بۆ ناو ململانێیەکی فراوانتر".
ئەوەشی خستووەتە ڕوو: "داوا لە کۆمەڵگەی نێودەوڵەتی دەکەین کە ئەنجوومەنی ئاسایش و ئاژانسی نێودەوڵەتی وزەی ئەتۆمی نوێنەرایەتی دەکەین، ڕێوشوێنی بەپەلە و خێرا بگرنەبەر بۆ ڕێگریکردن لە کارەساتێکی مرۆیی".
وەڵام بدەوه