هێزه‌كانى ئه‌مریكا له عێراق ڕێوشوێنی توندی ئه‌منی ده‌گرنه به‌ر
سه‌رچاوه‌یه‌كی ئاگادار ئه‌مڕۆ (چوارشه‌ممه 17ى 6ى 2025) ئاشكراى كرد، هێزه‌كانى ئه‌مریكا له بنكه‌ى (عه‌ین ئه‌سه‌د) ده‌رگاى سه‌ره‌كییان بۆ ماوه‌یه‌كی كورت كردووه‌ته‌وه و دواتر دایانخستووه‌ته‌وه، هه‌ر له‌و كاته‌دا ژماره‌یه‌ك فڕۆكه‌ى بێفڕۆكه‌وان له ئاسمانى ناوچه‌ى ڕۆژئاواى پارێزگاى ئه‌نبار، سووڕاونه‌ته‌وه.
شسه‌رچاوه‌كه به ماڵپه‌رى (بغداد الیوم)ى ڕاگەیاندووە، "دەروازەی سەرەکی بنكه‌ى (عه‌ین ئه‌سه‌د)، کە هێزەکانی ئەمریکای تێدا جێگیر كراوه و ده‌كه‌وێته ناوچەیەکی فراوانی ڕۆژئاوای ئەنبار، بۆ ماوەیەکی کورت کرایەوە بۆ ئەوەی کاروانە سەربازییەکان بچنە ژوورەوە، پێش ئەوەی دەروازەکانی چوونە ژوورەوە بە خێرایی دووبارە دابخرێنەوە، هه‌ر له‌و كاته‌دا ژماره‌یه‌ك فڕۆكه‌ى بێفڕۆكه‌وان به ئاسمانى ناوچه‌كه‌دا چاودێرییان ده‌كرد".
ئاماژەی بەوەشکرد، "لەئێستادا بنكه‌كه بەرزترین ئاستی هۆشداری گرتووه‌ته‌به‌ر، تێبینی ئه‌وه‌ش كراوه جموجووڵ له ناو بنكه‌كه زۆر كه‌م بووه‌ته‌وه، ئەمەش ئاماژەیە بۆ بوونی دۆخێکی خۆپارێزی بێ وێنە".
ئەو سەرچاوەیە، گوتیشی: "ڕێكاره ئه‌منی و ڕێوشوێنەکان پەیوەندییان بە گرژییە بەردەوامەکانی ناوچەکەوە هەیە، بەتایبەتی لە ژێر ڕۆشنایی بەردەوامی هێرشی دژبه‌یه‌كی نێوان ئیسرائیل و ئێران".
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه