Kurdistan Press - شاخەوان عەبدولا داوایەک لە عێراق دەکات شاخەوان عەبدولا داوایەک لە عێراق دەکات | Kurdistan Press

KurdistanPress...

CLOSE

شاخەوان عەبدولا داوایەک لە عێراق دەکات

لە ساڵوەگەڕیی رۆژی شەهیدی فەیلی كە تیایدا باسی تاوانەكانی رژێمی پێشووی عێراق بەرانبەر بە كوردانی فەیلی زیندوو دەكرێتەوە، كاتێك هەزاران گەنجی فەیلیی شوێنبزر كرد و تا ئێستە چارەنووسیان نازانرێت، د. شاخەوان عەبدوڵا جێگری سەرۆكی پەرلەمانی عێراق داوای لە دامەزراوەكانی عێراق كرد بۆ یەكلاكردنەوەی دۆسیەی زیانلێكەوتووانی كوردی فەیلی و فەراهەمكردنی مافەكانیان بەشێوەیەكی یاسایی.

بەپێی بەیاننامەیەكی نووسینگەی راگەیاندنی عەبدوڵا، لە 45مین ساڵوەگەڕیی بە ئازاری شەهیدی كوردانی فەیلی، یادی نەهامەنی و ستەمی سەر رۆڵەكانی گەلی كوردی فەیلی و ئەو تاوانە گەورەی لەسەر دەستی رژێمی لەناوچوو بەسەریان هات دەكەینەوە، كە قێزەونترین پرۆسەی سەركوتكاری و راگواستنی بە زۆر و دوورخستنەوەی خێزانەكانیان بەرەو ئێران پێڕەو كرد، جیا لە گرتنی گەنجانیان و كوشتن و شوێنبزركردنیان لە تاریكایی زیندانەكان و دەستگرتن بەسەر موڵكوماڵ و زەویوزاریان بەهۆی ناسنامەی نەتەوەیی و نیشتمانیان. 

جێگری سەرۆكی پەرلەمانی عێراق داوای لە پەرلەمان و دامەزراوەكانی دەوڵەت و هەموو وەزارەتەكانی حكوومەتی فیدراڵ كرد بۆ كۆتاهێنان بە نەهامەتیی كوردانی فەیلی و تەواوكردنی دۆسیەی قەرەبووكردنەوەیان و چارەسەركردنی كێشە و بەربەستی گەڕاندنەوەی موڵكوماڵ و زەویوزاریان و پێدانی تەواوی مافەكانیان بە رێگەی یاسایی و بڕیارە بەركارەكانی حكوومەت.

شایەنی باسە رژێمی پێشووی عێراق لە حەفتاكان تا هەشتاكانی سەتەی رابردوو هەڵمەتێكی فرەوانی لە دژی كوردانی فەیلی دەست پێ كرد، ناسنامەی عێراقی لەوان وەرگرتەوە و دەستی بەسەر موڵكوماڵ و زەویوزاریان گرت، گەنجەكانی گرتن و شوێنبزری كردن، خێزانەكانیشیانی ئاوارەی ئێران كرد، هەموو ئەوانەش بەهۆی ناسنامەی نەتەوەیی و تایفییان، حكوومەت و پەرلەمانی عێراق لە 2010 تاوانەكانی دژ بە كوردانی فەیلی بە كۆمەڵكوژی لە قەڵەم دا و لە دووی نیسانی هەموو ساڵێك یادی رۆژی شەهیدی فەیلی دەكرێتەوە.

دەربارەى نوسەر
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
بینینى بابەتەکان

وەڵام بدەوه