دوای ئەوەی دۆناڵد ترەمپ، سەرۆكی ئەمریكا، سپاندنی باجی بەسەر كەلوپەلی و بابەتی هەناردەكراوی ئەمریكا لە 10% بەسەرەوە سەپاند، باجی 39%ی بۆ خستە سەر هاوردەی كەلوپەلی عێراق بۆ ئەمریكا، هاوردەی نەوت و گاز و بەرهەمی پاڵاوتەی نەوتیشی لە ڕسوماتی گومرگی بەخشی.

نەبیل مەرسوومی، شارەزای بواری ئابووری، ڕایگەیاندووە: ئەو بڕیارە نوێیانە لەبارەی باجخستنە سەر كەلوپەلەكان، كاریگەریی زۆر خراپیان لەسەر ئابووریی عێراق  و بازرگانی و گەشەكردنی ئابوورییەكەی دەبێ. هاوكات هەر بە زوویی كاریگەریی لەسەر نرخی نەوت كرد و دوو دۆلار هێنایە خوارەوە.

دەشڵێ: لە ڕۆژانی داهاتوو، ئەو كاریگەرییە خراپە قەبارەی گەورەتر لەسەری دەبێ و نرخی نەوت زیاتر دادەبەزێنێ و هەموو ئەو وڵاتانەی نەوت هەناردە دەكەن تووشی زیان دەبن.