ئەمڕۆ سێشەممە، 1ی نیسانی 2025، لە پەیوەندییەكی تەلەفۆنیدا، محەمەد شیاع سوودانی، سەرۆكوەزیرانی عێراق لەگەڵ مەسعوود پزیشكیان، سەرۆككۆماری ئێران هەڵوێستی هاوسۆزی و تەبایی عێراقی لەگەڵ ئێراندا دووپات كردووەتەوە.
بەپێی پێگەی (سپونتیك) سوودانی ڕایگەیاندووە: "گەلی عێراق و حكوومەتی عێراق لەگەڵ ئێراندایە، لەگەڵی دەوەستێتەوە دژی تەماعكارییە ستەمكارەكان."
بەپێی ئاژانسی (میهر)ی ئێرانی سوودانی جەختی لە بەهێزكردنی هاوڕێیەتی و دۆستایەتیی نێوان هەردوولا كردووەتەوە، بەتایبەت لەم كات و شوێنە هەستیارەی ناوچەكەدا.
سوودانی گوتوویەتی: "پێویستە هەردوو دەوڵەت بۆ ڕووبەڕووبوونەوەی نیازخراپەكان یەك بگرن."
ئەمە لە كاتێكدایە ئەمریكا بە توندی هەڕەشە لە ئێران دەكات ئەگەر بێت و بە ڕێككەوتنێكی نوێ لەسەر بەرنامە ئەتۆمییەكە ڕازی نەبێت.
وەڵام بدەوه