جێگری سەرۆكی پەرلەمانی عێراق رای گەیاند، رەزامەندی سەرۆك و جێگری یەكەمی پەرلەمانی عێراقم وەرگرت بۆ ئەوەی سبەی دەنگدان لەسەر پڕۆژەیاسای بە پارێزگابوونی هەڵەبجە بخرێتە بەرنامەی كاری پەرلەمانەوە.
ئەمشەو دووشەم 24ی ئاداری 2025، شاخەوان عەبدوڵا جێگری سەرۆكی پەرلەمانی عێراق لە بڵاوكراوەیەكی تایبەتی خۆیدا لە تۆڕی كۆمەڵایەتی رای گەیاندووە، ئێستە ڕەزامەندی سەرۆکی پەرلەمان و جێگری یەکەمی سەرۆکی پەرلەمانم وەرگرت بۆ ئەوەی دەنگدان لەسەر پرۆژە یاسایی بەپارێزگابوونی هەڵەبجە بخرێتە بەرنامەی کاری پەرلەمانەوە بۆ دانیشتنی سبەی رۆژی سێشەم.
شاخەوان عەبدوڵا ئاماژەی داوە كە بەوەش لە لایەک داوایەکی سەرۆک بارزانی لەسەرۆکایەتی پەرلەمان و ئەو بەڵێنەی دابوومان بەنوێنەر و کەسایەتییەکانی هەلبجە جێ بەجێ کرا، لەگەل فراکسیۆنەکانی ناو پەرلەمانیش قسەمان کردوە بۆ ئەوەی پڕۆژەکە تێپەرێت.
وەڵام بدەوه