لەچەند مانگی داهاتوودا عێراق ڕووبەڕووی دۆخێكی سەخت دەبێتەوە

فوئاد حسێن:
*ئەمریكیەكان پێیانوتم بڕیاری راگرتنی لێخۆشبون پاشگەزبونەوەی تیادانیە
*بۆ هاوردەكردنی غازیش لە ئێرانەوە كێشەمان هەیە
" نازانین چۆن پارەكەیان بدەینێ‌"

فوئاد حسێن، وەزیری دەرەوەی عێراق دەڵێت، ئەمریكیەكان پێیان راگەیاندم، بڕیاری راگرتنی لێخشبوون پاشگەزبونەوەی تیادانیە.
وەزیری دەرەوەی عێراق، لە چاوپێكەوتنێكی تەلەفیزیۆنیدا، وتى، لە ئێستادا روبەڕوی ئەو سیاسەتە نوێیە بوینەتەوە، بە راشكاوی پێیانوتین درێژكردنەوەی لێخۆشبون نیە، ئەم بابەتەیان لە پاریس پێوتم، لەكاتی دیدارم لەگەڵ ئەمریكیەكان.
وتیشی: جیاوازی هەیە لەنێوان غازو كارەبا، كێشەیان نییە بۆ هاوردەكردنی غاز لە ئێرانەوە، بەڵام كێشەی ئێمە ئەوەیە چۆن پارەكە بدەین بە ئێران، لایەنی ئێرانی دەڵێت، ئێمە غازتان بۆ دەنێرین چۆن پارەكەیمان دەدەنێ‌، پێشتر پارەكەیان لە بانكی (تی بی ئای) گلدەدایەوە، لێكگەیشتن هەبوو لەگەڵ لایەنی ئەمریكی بەوەی ئێمە كەرەستەی خۆراكی و پزیشكیان بۆ بكڕین و هاوردەی بكەن، وەك پرسێكی مرۆیی، ئێستا ئەو لێكگەیشتنانە نییە، ترسم هەیە مانگەكانی داهاتوو روبەڕوبەری دۆخێكی سەخت دەبینەوە لە سەرهەڵدانی قەیرانی كارەبا .