Kurdistan Press - بەرپرسێکی باڵای ئەمریکا سەردانی عێراق دەکات بەرپرسێکی باڵای ئەمریکا سەردانی عێراق دەکات | Kurdistan Press

KurdistanPress...

CLOSE

بەرپرسێکی باڵای ئەمریکا سەردانی عێراق دەکات

هاوكات لەگەڵ گۆڕانكارییەكانی ناوچەكە و هاتنی ئیدارەی نوێی ئەمەریكا بۆ كۆشكی سپی، بڕیارە بەمنزیكانە بەرپرسێكی باڵای ئەمەریكی سەردانی بەغدا بكات و چەند پرسێكی گرنگ لەگەڵ حكوومەتی عێراق یەكلا بكاتەوە، لەوانە مانەوەی هێزەكانی ئەو وڵاتە و رێكخستنەوەی پێوەندییەكانی بەغدا و واشنتن.

بەرپرسێكی حكوومیی عێراقی ئاشكرای كرد كە بەغدا ئامادەسازی بۆ سەردانی بەرپرسێكی باڵای ئەمەریكی لە ماوەی داهاتوو دەكات، لەو سەردانەدا باس لە دۆسیەی بوونی هێزەكانی ئەمەریكا لە عێراق دەكات، ئەوەش هاوكات لەگەڵ گۆڕانكارییەكانی ناوچەكە، بە تایبەتی لە سووریا و لبنان و كەرتی غەزە و هەوڵدان بۆ گرتنی سەرەداوەكان لە لایەن ئەمەریكاوە. 

روونی كردەوە، هاوكات بەرپرسە ئەمەریكییەكە لە بەغدا باسی میكانیزمی داڕشتنەوەی پێوەندییەكانی ئەمەریكا و عێراق لە بوارەكانی ئاسایش و بەرگری و چەند دۆسیەیەكی پێوەست بە بانكی فیدراڵیی ئەمەریكی دەكات. 

لە دوای گۆڕانكارییەكانی ناوچەكە، بە تایبەتی شكانی حزبوڵای لبنانی و رووخانی رژێمی بەشار ئەسەد لە سووریا و لاوازبوونی بەرەی بەرگریكاریی شیعە لە تەواوی ناوچەكە، شارەزایان دەڵێن ئێران تەنیا عێراق و یەمەنی بە دەست ماوە، بۆیە چاوەڕوان دەكرێت ئیدارەی دۆناڵد ترەمپ سەرۆكی ئەمەریكا كار لەسەر ئەو دوو وڵاتە و ئێرانیش بكات، بە شێوەیەك ئێران بە رێككەوتنێكی نوێ بۆ ماوەیەكی دوورودرێژ ببەستێتەوە.

 

دەربارەى نوسەر
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
بینینى بابەتەکان

وەڵام بدەوه