بەهۆی ئاشكراكردنی چەندان كێشە كە لەلایەن تەیف سامی بۆ مووچەخۆرانی هەرێمی كوردستان دروست دەكرێت، ئەو وەزیرە ئێستە هانا بۆ چەندان رێگە دەبات ئەو گوشارانەی لەسەریەتی كەمی بكاتەوە
شەوی رابردوو رێباز حەملان بریكاری وەزارەتی دارایی عێراق، لەگەڵ محەمەد شیاع سوودانی سەرۆك وەزیرانی عێراق كۆبووەوە، باسی لە لیستی مووچە كرد كە نزیك بوونەتەوە لە چارەسەر.
هەرچی وەزارەتی دارایی عێراقە ئەمڕۆ بەیاننامەیەكی دەركرد، خۆی ددانی بەوە ناوە كە كێشەی بۆ مووچە دروست كردووە، ئەویش بەهۆی كێشەی بچووكی وەزارەتێك یان بەڕێوەبەرایەتییەك، كەچی مووچەی تەواوی فەرمانبەرانی كوردستانی راگرتووە.
پێشتر وەزارەت و دەستەكانی عێراق ئەو كێشەیان هەبووە، ئەمڕۆ لیوای 63ی هێزەكانی حەشد لە كەركووك بڵاوی كردەوە، لەناكاو مووچەكانیان بڕیون بەبێ ئەوەی هۆكارەكەی بزانن، بەپێی یاسا بووایە كە تەیف سامی باسی دەكات، دەبوایە مووچەی عێراقیش دابەش نەكرێت، بەڵام هیچ كێشەیەكیان نەبووە. ئەو هەنگاوەی تەیف تەنیا بۆ خۆ رزگاكردنە لەو گوشارە زۆرەی لەسەریەتی، هەروەها هێشتا بەشێك لە ڕێنوێنیی ساڵی دەرنەكردووە، دەستی كردووە بە وەڵامدانەوەی هەر پەرلەمانتارێك و لایەنێك بیەوێت دژی فەرمانبەرانی كوردستان هەواڵ بڵاو بكاتەوە.
وەڵام بدەوه