رێباز حەملان بریكاری وەزارەتی دارایی عێراق، چەند وێنەیەكی بڵاو كردەوە و دەڵێ، ئێوارەی ئەمڕۆ سەردانی تیمی تەكنیكی وەزارەتی دارایی فیدراڵم كرد كە بە هاوبەشی لەگەڵ تیمی تەكنیكی وەزارەتی دارایی هەرێم و یەكەی ژمێریاری وەزارەتەكان و خانەنشینی سەربازی و مەدەنی لە ئامادەكاری لیستی مووچەی مانگی یەك و ئامادەكاری رێكخستنی لیستی مووچەی خانەنشینانن بە پێی یاسای هاوتاكراوی بەركار.
حەملان لە فەیسبووكی خۆی نووسیویەتی، "پشتیوانیمان بۆ دووپات كردنەوە بۆ ئەوەی كارەكان بەزووی جێبەجێ ببن تا ناوەراستی ئەم هەفتەیە وەفدی باڵای هەرێم بگەرێنەوە بەغدا و میكانیزمی كاركردن و خەرجكردنی مووچە بۆ ساڵی 2025 بچێتە بواری جێبەجێكردن".
" تیمە تەكنیكییەكانی حكوومەتی هەرێم رۆژانە تا شەوی درەنگ بەردەوام كار دەكەن هەموو داواكاری و تێبینییەكانی وەزارەتی دارایی فیدراڵی دەخەنە بەردەم نوێنەرانی وەزارەتی دارایی فیدراڵ بۆ وردبینی و پەسەندكردنی بە پێی ئەو رێنوێنی و یاسا كارپێكراوانەی وەزارەتی دارایی فیدراڵ لەسەری دەروات" رێباز حەملان وای نووسیوە.
هەروەها دووپاتی كردووەتەوە كە حكوومەتی هەرێم ئیلتیزامەكانی لەسەریەتی جێبەجێ دەكات لە پێناو دابینكردنی مووچەی مووچەخۆران و بەدەستهێنانی مافە داراییەكانی هەرێم بە پێی یاسای بودجەی 2025 و ئەو بەشەی بۆی دیاری كراوە.
وەڵام بدەوه