لە دوای رووخانی رژێمی بەشار ئەسەد لە سووریا وەزیری پێشووی دەرەوەی ئەمەریكا سەردانی عێراقی كرد و خواستی كۆمەڵگەی نێودەوڵەتی بە عێراق گەیاند بەوەی لەگەڵ داماڵینی چەكی میلیشیاكان و یەكخستیانن لە گەڵ هێزە تەناهییەكانی عێراق، بۆیە حكوومەتی عێراق لە رێگەی هێزە شیعەكان و ئێرانیشەوە هەوڵی دا میلیشیاكان بۆ دانانی چەكەكانیان رازی بكات، بەڵام ئەوان رەتی دەكەنەوە.
سەرچاوەیەكی باڵا لە حكوومەتی عێراق ئاشكرای كرد كە هەردوو میلیشیای نوجەبا و كەتیبەكانی حزبوڵای عێراقی هەوڵەكانی حكوومەتی عێراق بۆ هەڵوەشاندنەوەیان و داماڵینی چەكەكانیان رەت دەكەنەوە، لە ماوەی چەند هەفتەی رابردوو محەمەد شیاع سوودانی سەرۆك وەزیرانی عێراق پێوەندیی بەردەوامی لەگەڵ میلیشیاكان هەبووە، ژمارەیەكیان رازی بوونە بە دانانی چەك و خۆهەڵوەشاندنەوە.
دووپاتی كردەوە، هەردوو گرووپی نوجەبا بە سەرۆكایەتیی ئەكرەم كەعبی و كەتیبەكانی حزبوڵا بە سەرۆكایەتیی ئەحمەد حەمیداوی، كە هەردوو گرووپ ناویان لە لیستی تیرۆری ئەمەریكادایە و زۆر لە ئێرانەوە نزیكن و لە دوای هێرشەكەی حەماس، رۆڵی سەرەكییان لە هێرشەكانی سەر بنكە سەربازییەكانی ئەمەریكا هەبوو، رەتیان كردووەتەوە بەهیچ شێوەیەك باسی دانانی چەك و هەڵوەشانەوەیان بكرێت.
بەپێی سەرچاوەكە ئەو گرووپانە خۆیان لە حكوومەت و پرۆسەی سیاسی لە عێراق بەهێزتر دەزانن و ناچنە ژێر باری فەرمانەكانی دەوڵەت و چاویان لەوەیە ئەوان دەوڵەت بەڕێوە ببەن، تەنانەت هیچ گرنگییەك بە گوشارەكانی سەر حكوومەتی عێراق لە لایەن ئەمەریكا و كۆمەڵگەی نێودەوڵەتی نادەن.
وەڵام بدەوه