سەرچاوەیەکی ئەمنی ئەمڕۆ (سێشەممە 21ى 1ى 2025) رایگهیاند، لە ئەنجامی پێکدادان لەگەڵ چهكدارانى داعش لە ناوچهى تارمیە لە باکووری بەغدای پایتەخت، ئەفسەرێکی سوپای عێراق و دوو سهرباز و كارمهندێكى دەزگای ئاسایشی نیشتمانی، کوژراون.
ئەو سەرچاوەیە به میدیا عێراقییهكانى، ڕاگەیاند، "ئەفسەرێکی سوپای عێراق لهكاتى ئەرکێکی هاوبەش لەلایەن دەزگای ئاسایشی نیشتمانی و لیوای 23ی پیادە لە قهزاى تارمیە لە پێکدادانێکدا لەگەڵ چهكدارانى داعش، کوژرا".
هاوكات سهرچاوهیهكی دیكه ئاشكراى كردووه، ئهفسهره كوژراوهكه فهرماندهى فهوج بووه له سوپای عێراق و لهكاتى ئۆپەراسیۆنەکەدا كوژرا كه لهو ئۆپهراسیۆنهدا ژمارەیەک تیرۆریستی داعش کوژران.
لاى خۆیهوه ماڵپهرى (سۆمهرییه نیوز) بڵاوی كردهوه، كه لهو ئۆپهراسیۆنهدا، كۆگایهكی تهقهمهنى سهر به داعش تهقیوهتهوه و له ئهنجامدا جگه له ئهفسهرێك سێ سهربازى دیكه كوژران و پێنج سهربازیش بریندار بوون.
وەڵام بدەوه