ئێوارەی ئەمڕۆ پێنجشەممە 9ی 1ی 2025، بۆ ڕێگرییەكانی سوپای عێراق، كە ڕێگە نادات جووتیاران لەسەر زەوییەكانیان كار بكەن، بەشێكی زۆر لە كەسایەتی و جووتیاران و نوێنەرانی ناحیەی سەرگەڕان و گوندەكانی پەڵكانە و گابەڵەكە و شەناغە لەگەڵ د. شاخەوان عەبدوڵا، جێگری سەرۆكی ئەنجوومەنی نوێنەرانی عێراق كۆ بوونەوە.
لەسەر ئەو كۆبوونەوەیە، فەرهاد سمایل، كە جووتیارێكی گوندی پەڵكانەیە، ڕاگەیاند: "لە ڕابردوودا زۆر هاوارمان كرد، كە بەرپرسانی شاری كەركووك ڕێگری لەو دەستدرێژیانەی سوپای عێراق بۆ سەر خەڵكی گوندەكەمان بكەن، بەڵام هەموو ئەو هاوار و هەوڵانەمان بێ ئەنجام بوون."
ئەو جووتیارە گوتیشی: "ئەمڕۆ هانامان بۆ دکتۆر شاخەوان عەبدوڵا برد، کە کێشەی ئەو سنوورە چارەسەر بکات و ڕێگری لە سوپای عێراق بكات، كە جارێکی دیكە نەیەتە سەر زەوییەکانمان."
بۆ ئەو مەبەستەش، د. شاخەوان عەبدوڵا، بە جووتیارانی سنووری ناحیەی سەرگەڕانی ڕاگەیاند: "لە چەند ڕۆژی داهاتوو کێشەکەتان بۆ چارەسەر دەکەم و ڕێگە نادەین سوپای عێراق بێنە سەر زەوییەکانتان."
وەڵام بدەوه